कपिलवस्तु । राष्ट्रिय प्रजातन्त्र पार्टी बाणगंगा नगरसमितिले आज धार्मिक जलार्पण यात्रा कार्यक्रम गरेको छ । साउने सोमबारको आज अन्तिम सोमबारको अवसरमा राप्रपा बाणगंगाका आयोजना र प्रजातान्त्रिक युवा संगठन बाणगंगाका सह आयोजनामा कपिलवस्तुले लक्ष्मणघाट धाम देखि प्रकटेश्वर महादेव मन्दिर पिपरा सम्मको धार्मिक जलार्पण यात्रा गरिएको राप्रपाले जानकारी दिएको हो ।
हिन्दु धर्म र संस्कार अनुसार धार्मिक मठहरुको संरक्षण सँगै धार्मिक सह अस्तित्व कायम राख्ने उद्धेश्य सहित कार्यक्रम गरिएको राप्रपा केन्द्रिय सदस्य धुव्रबहादुर रायमाझीले जानकारी दिनुभयो । बाणगंगाको प्रसिद्ध लक्ष्मणघाट धामबाट राप्रपा नेता तथा कार्यक्रताहरुसहित समर्थक भक्तजनहरुले जल लिएर पिपरा स्थित प्रकटेश्वर महादेव मन्दिर सम्मको धार्मिक जलार्पण यात्रा गरका हुन ।
उक्त यात्रामा राप्रपा बाणगंगा नगर अध्यक्ष गिरीराज कंडेल, नगर प्रवक्ता तथा कार्यक्रम संयोजक भिम शाही, केन्द्रिय सदस्य धुव्र रायमाझी, राप्रपा जिल्ला अध्यक्ष नारायण बहादुर सिँह, संगठन विभाग प्रमूख राजेन्द्र विक्रम शाह लगाएतका नेता तथा कार्यक्रताहरुको सहभागिता थियो ।
सनातन हिन्दु राष्ट्रको लागि राप्रपा नगर समिति र युवक संगठन बाणगंगाद्धारा लक्ष्मणघाटबाट जल लिई पिपरा प्रकेट्श्वर महादेवको मन्दिरमा गाई जल अर्पण गरिएको राप्रपा बाणगंगाले जनाएको छ ।
साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, Twitter र YouTube मा पनि जोडिन सक्नुहुन्छ ।
