प्यूठानका पहिरो पीडितहरु थप पिडामा

सेयर गर्नुहोस्
26Shares

प्यूठान । माथिबाट पहिरो झरेर गाउँ नै जोखिम परेपछि प्यूठानको ऐरावती गाउँपालिका तिघ्रापाताल कि सावित्रा सुनार एक सातादेखि घरमा छैनन् । पहिरोको त्रासले सुनार जस्तै २३ घरपरिवारले पदमोदय मावि धुवाङमा आश्रय लिएर बसिरहेका छन् । उनीहरुसँग अहिले रेडक्रसले बाँडेका भाँडाकुँडा, पाल बाहेक अरु केही छैन ।

सावित्राको जस्तै स्थिति छ माण्डवी गाउँपालिका–२ धनचौरका ३४ वर्षिय हरि सुवेदीको पनि । पहिरोका कारण घरबारबिहीन भएपछि आफूहरु छिमेकीको घरमा बस्न बाध्य भएको बताए । ‘हामी बस्दै आएको घर पहिरोले बगायो,’ सुवेदीले भने, ‘घर बनाउनलाई जग्गा पनि सङ्ग्लो छैन । कतिन्जेल अरूकोमा गएर गुजारा चलाउने ?’

उनले सरकारले घर बनाउन जग्गा दिए ठूलो राहत मिल्ने बताए । उनका अनुसार सुवेदी जस्तै धनचौरका ५० बढी घर बिस्थापित भएका छन् । असोजको तेस्रो साता आएको बाढीपहिरोबाट विस्थापित भएका बाढी पहिरोपीडितहरू अझै आफन्त र छिमेकका घरमा गएर गुजारा चलाउन बाध्य छन् ।

केही भने विद्यालय र पालहरुमा बस्दै आएका छन् । पहिराबाट विस्थापितलाई दैनिक छाक टार्न मुस्किल भएको छ । राहतका भरमा चुलो बलेको छ । माण्डवी र ऐरावती गाउँपालिकामा सवैभन्दा धेरै क्षति भएको स्थानीय प्रशासनले बताएको हो। एकिन तथ्याकं नभए पनि बाढी पहिरोले प्यूठानमा ८५ घर परिवार विस्थापित भएको प्रमुख जिल्ला अधिकारी सुनिता नेपालले जानकारी दिइन् ।

प्रतिकृया दिनुहोस्


साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

प्रतिकृया दिनुहोस्

Please enter your comment!
Please enter your name here