प्रथम मोतिपुर फुलबारी कप : युनाइटेड पडरिया र डिएमसी तुल्सिपुरको जित

तस्बिर सौजन्य : खेल संयोजक सन्दिप क्षेत्री
सेयर गर्नुहोस्
115Shares

राजेन्द्र खनाल,कपिलवस्तु । कपिलवस्तुको बाणगंगा ७ मा मंगलबार देखि जारी प्रथम मोतिपुर फुलबारी कप फुटबल प्रतियोगिताको पहिलो चरण अन्र्तगत आज तेस्रो दिनका दुई खेल सकिएका छन् ।

आज भएको पहिलो खेलमा युनाइटेड एफसी पडरियाले जित हात पारेको छ । ९० मिनेटको निर्धारित समयमा पडरियाले ४–१ को जित सहित दोस्रो चरणमा प्रवेश गरेको छ ।

यस्तै आजै भएको दोस्रो खेलमा डिएमसी तुल्सिपुरले चिडिया ब्वाइज फुटबल क्लव रुपन्देहीमाथि २–१ को जित हात पारेको छ ।

आज भएका दुई खेलमा उत्कृष्ट प्रदेर्शन गरेका युनाइटेड एफ्सीका प्रितम राना र डिएमसी तुल्सिपुरका आशिष गुरुङ म्यान अफ दि म्याच बनेका छन् ।

जारी प्रतियोगिता अन्र्तगत भोली शुक्रबार पनि दुई खेल हुने खेल संयोजक सन्दिप क्षेत्रीले बताएका छन् । क्षेत्रीका अनुसार पहिलो खेल बाणगंगा स्र्पोटस एण्ड वेयलफेयर सोसाइटी जितपुर कपिलवस्तु र रत्कोल फुटबल क्वल शिवराजबिच हुने छ भने दोस्रो खेल अमुवा युवा क्लव रुपन्देही र मुहान फुटबल क्वल झँगाह कपिलवस्तु बिच हुने छ ।

बाणगंगा नगरपालिका वडा नम्बर ७ मोतिपुर स्थित फुलबारी खेल मैदानमा जारी प्रतियागितामा १६ टिमको सहभागिता रहेको छ ।

प्रतियागितामा प्रथम हुने टिमले नगद ७० हजार सहित कप मेडल र प्रमाणपत्र पुरस्कार पाउने छ भने दोस्रो हुने टोलीले नगद ३० हजार सहित कप मेडल र प्रमाणपत्र पुरस्कार पाउने छ ।

प्रतिकृया दिनुहोस्


साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

प्रतिकृया दिनुहोस्

Please enter your comment!
Please enter your name here