कपिलवस्तुमा मनाइयो भुकम्प स्मृति दिवस

सेयर गर्नुहोस्
28Shares

सुशील गैरे
१९९० माघ २ गते दिउँसो २:२४ बजे भूकम्प गएको सम्झनामा कपिलवस्तुको तौलिहवामा २४औँ राष्ट्रिय भूकम्प सुरक्षा दिवस मनाइएको छ । ‘भूकम्पीय सचेतना, सुरक्षित संरचना’ भन्ने नाराका साथ जिल्ला प्रशासन कार्यलय कपिलवस्तु र जिल्ला विपद व्यवस्थापन कार्यालय कपिलवस्तुको आयोजनामा दिवस मनाइएको हो।

कार्यक्रममा जिल्ला प्रहरी कार्यालय प्रमुख प्रहरी उपरिक्षक दान बहादुर कार्कीले नागरिकमा अझै पनि सुरक्षा सचेतना नरहेको र त्यसको लागि अभिभावक, शिक्षक र सरोकारवाला निकाय र मिडियाले सुरक्षा संवेदनशीलताका विषयलाई विशेष ध्यान दिनुपर्ने बताए । कार्यक्रममा ईन्जिनियर राजेश कुमार शैनिले भवन निर्माणमा अपनाउनुपर्ने विषयलाई समेटेर प्रस्तुतिकरण गर्नुभएको थियो। उपस्थित निर्माण व्यवसायीहरुले सार्वजनिक निर्माणमा देखिएको टेण्डरको कानुनि प्रक्रियाको जटिलताको कारणले निर्माण भुकम्पिय जोखिमयुक्त भएको बताए ।                                                                                            प्रमुख जिल्ला अधिकारी चक्रपाणि पाण्डेले भूकम्पले नभई कमजोर संरचनाले मानवीयलगायत क्षति गर्ने भएकाले भूकम्प प्रतिरोधी संरचना बनाउन नागरिकलाई चेतना जगाउन आवश्यक रहेको बताए ।
पाण्डेले विद्यालयस्तरबाट नै सुरक्षा संवेदनशीलतालाई विशेष महत्व दिएर सिकाई कार्य गर्नुपर्नेमा जोड दिए ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।