२४ घण्टामा २ लाख ११ हजार जनाभन्दा धेरैले काेराेनाविरुद्धकाे खाेप लगाए

सेयर गर्नुहोस्
2Shares

काठमाण्डाै

पछिल्लो २४ घण्टामा देशभर दुई लाख ११ हजार जनाभन्दा धेरैले कोरोना भाइरसविरुद्धको खोप लगाएका छन् ।

सरकारले देशभर १८ वर्षमाथिका सबैलाई कोरोना भाइरसविरुद्धको खोप लगाइरहेकामा पछिल्लो एकै दिन दुई लाख ११ हजार पाँच सय ५३ जनाले खोप लगाएका स्वास्थ्य तथा जनसङ्ख्या मन्त्रालयले जनाएको छ ।योसहित नेपालमा ८४ लाख ३७ हजार आठ सय ६० जनाले पूर्ण मात्रा र ९८ लाख ७९ हजार ६ सय ४८ जनाले कम्तीमा पहिलो मात्रा खोप लगाएका छन् ।

यसैबीच पछिल्लो २४ घण्टामा पीसीआर र एन्टिजेन विधिबाट गरी ६ हजार चार सय ६९ जनाको नमुना परीक्षण गर्दा दुई सय ५५ जनामा सङ्क्रमण पुष्टि भएको छ ।

यस्तै पछिल्लो २४ घण्टामा दुई सय ५६ जना निको भएका छन् । याेसहित काेराेना सङ्क्रमणबाट मुक्त हुनेकाे सङ्ख्या आठ लाख दुई हजार नाै सय नाै पुगेकाे छ ।

यही अवधिमा थप दुई जनासहित कोरोना भाइरसको कारण ज्यान गुमाउनेको सङ्ख्या ११ हजार पाँच सय २६ जना पुगेको छ । अहिले नेपालमा ६ हजार नौ सय ३१ जना कोरोना भाइरसका सक्रिय सङ्क्रमित रहेका छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।