टी-ट्वान्टी विश्वकप क्रिकेटको उपाधि अस्ट्रेलियाले जित्यो

सेयर गर्नुहोस्
0Shares

न्युजिल्यान्डलाई पराजित गर्दै अस्ट्रेलियाले आईसीसी टी-ट्वान्टी विश्वकप क्रिकेटको उपाधि जितेको छ । आइतबार राति दुबईको अन्तर्राष्ट्रिय रंगशालामा न्युजिल्यान्डमाथि ८ विकेटको जित निकाल्दै अस्ट्रेलियाले पहिलोपल्ट टी-ट्वान्टी विश्वकपको उपाधि हात पारेको हो ।

न्युजिल्याण्डबाट पाएको १ सय ७३ रनको लक्ष्य अस्ट्रेलियाले १८ ओभर पाँच बलमा दुई विकेट गुमाएर पूरा गर्‍यो । अस्ट्रेलियाको जितमा मिचेल मार्सले अविजित ७७ र डेभिड वार्नरले ५३ रन जोडे । कप्तान आरोन फिन्च ५ रनमै आउट भए भने ग्लेन म्याक्सवेल २८ रनमा अविजित रहे ।

न्युजिल्याण्डका ट्रेन्ट बोल्टले दुई विकेट हात पारे । टस हारेर पहिले ब्याटिङ गरेको न्युजिल्याण्डले निर्धारित २० ओभरमा चार विकेट गुमाएर एक सय ७२ रन बनाएको थियो । न्युजिल्याण्डका कप्तान केन विलियम्सनले ८५, मार्टिन गुप्टिल २८, ग्लेन फिलिप्सले १८ र डार्यल मिचेलले ११ रन बनाए । यस्तै जेम्स निसले अविजित १३ रन जोड्दा टिम सेइफर्टले अविजित ८ रन जोडे ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट आज हरि बाेधनी एकादशी : तुलसी र दामोदरको विवाह गरी मनाइँदै
अगिल्लो पोस्ट पोर्चुगललाई हराउँदै सर्बिया विश्वकपका लागि छनोट