नेपालमा जनसंख्याभन्दा २३ प्रतिशत बढी बैंक खाता पुगे

सेयर गर्नुहोस्
42Shares

काठमाडौं । बैंक खाताको संख्या नेपालको जनसंख्याभन्दा बढी पुगेको छ। नेपाल राष्ट्र बैंकले प्रकाशित गरेको गत भदौसम्मको तथ्यांकअनुसार नेपालका बैंक तथा वित्तीय संस्थामा ३ करोड ७७ लाख ७० हजार ९८५ वटा खाता खोलिएको छ।

यो संख्या जनसंख्याभन्दा २३.८४ प्रतिशत बढी हो। तथ्यांक विभागका अनुसार अहिले नेपालको जनसंख्या ३ करोड ४ लाख ९८ हजार ४९४ हो।

कुल खातामध्ये वाणिज्य बैंकहरुमा मात्र ३ करोड २९ लाख २७ हजार ६२२ छन्। यो संख्या नेपालको जनसंख्याभन्दा २४ लाख २९ हजार १२८ ले बढी हो।

त्यस्तै, विकास बैंकमा ४३ लाख ३२ हजार ३७४ वटा खाता खोलिएको छ भने फाइनान्स कम्पनीमा ५ लाख १० हजार ९८९ वटा निक्षेप खाता खोलिएको छ। राष्ट्र बैंकका अनुसार कर्जा खाताको संख्या भने १७ लाख २ हजार १९५ छ।

देशभर अहिले ६२ वटा बैंक तथा फाइनान्स कम्पनीहरु सञ्चालनमा छन्। सरकारले प्रत्येक नागरिकको बैंक खाता अनिवार्य हुनुपर्ने अभियान चलाएपछि बैंक खाता खोल्नेको संख्या बढेको राष्ट्र बैंकले बताएको छ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट मंगलबार मुस्लिम समुदायलाई सरकारले दियो सार्वजनिक बिदा
अगिल्लो पोस्ट आन्दोलनमा उत्रिए नेपालगन्ज मेडिकल कलेजका कर्मचारीहरु