आईपीएल क्रिकेट : राजस्थानको रोमाञ्चक जित, पन्जाब दुई रनले पराजित

सेयर गर्नुहोस्
35Shares

काठमाण्डाै

इण्डियन प्रिमियर लिग आईपीएल क्रिकेटमा पन्जाब किङ्सलाई राजस्थान रोयलले दुई रनले हराएको छ । दुबईमा गए राति भएको खेलमा राजस्थानले दिएको १ सय ८६ रनको लक्ष्य पछ्याएको पन्जाबले २० ओभरमा ४ विकेट गुमाउँदै १ सय ८३ रन मात्रै बनाउन सक्यो ।

अन्तिम ओभरमा पन्जाबलाई जितका लागि ४ रन आवश्यक थियो । तर, कार्तिक त्यागीले १ रन खर्चेर २ विकेट लिएपछि राजस्थानले रोमाञ्चक जित निकालेको हो । पन्जाबका मयांक अग्रवालले ६७ रनको अर्धशतकीय पारी खेले । केएल राहुलले ४९ रन जोडे । राजस्थानका कार्तिकले २, चेतन साकरिया र राहुल टेवाटियाले एक/एक विकेट लिए ।

यसअघि टस हारेर पहिले ब्याटिङ गरेको राजस्थानले २० ओभरमा अलआउट हुँदै १ सय ८५ रन बनाएको थियो । राजस्थानका याशभी जैसवालले ४९ र महिपाल लोम्रोरले ४३ रन जोडे । पन्जाबका अर्शदिप सिंह एक्लैले ५ विकेट लिए । मोहमद शामीले ३ विकेट लिए । जितपछि ८ खेलमा ८ अंक जोडेको राजस्थान पाँचौं स्थानमा छ । ९ खेलमा ६ अंक जोडेको पन्जाब सातौं स्थानमा छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।