प्याब्सन बाणगंगाको अध्यक्षमा गोल्डेन होराइजनका प्रिन्सिपल अधिकारी चयन

सेयर गर्नुहोस्
128Shares

कपिलवस्तु

निजि विद्यालयहरुको छाता संगठन नीजि तथा आवासिय विद्यालय अर्गनाइजेसन (प्याब्सन) बाणगंगा नगरपालिकाको अध्यक्षमा दीपक अधिकारी चयन हुनु भएको छ । नगर स्थित गजेहडामा रहेको गोल्डेन होराइजनका प्रिन्सिपल रहनु भएका अधिकारीलाई आइतबार जितपुरमा आयोजित प्याबसनको दोश्रो अधिवेशनबाट सर्वसममत अध्यक्षमा चयन गरिएको हो ।

पाँच सदस्यीय समितिको सचिवमा भोजराज पोख्रेल, कोषाध्यक्ष नविन मरासिनी रहनु भएको छ । यस्तै नरेन्द्र भण्डारी र ललिता क्षेत्रीलाई सदस्यमा चयन गरिएको छ ।

राजु अधिकारीको अध्यक्षता, प्याब्सन जिल्ला अध्यक्ष शिव डुम्रेको प्रमुख आतिथ्यमा भएको कार्यक्रममा बोल्दै अधिकारीले नीजि विद्यालयको समस्या र हकहितमा काम गर्ने बताउनु भयो ।

सचिव लेखनाथ पौडेलको संचालन र बुद्धि पौडेलको स्वागत मन्तव्यमा सम्पन्न कार्यक्रममा बोल्दै प्रमुख अतिथि डुम्रे, विशिष्ट अतिथि जिल्ला उपाध्यक्ष सुन्दर पाण्डे र सल्लाहाकार बासुदेव घिमिरेले सफल कार्यकालको शुभकामना दिनु भएको थियो ।

 

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।