एकदिवसीय क्रिकेटमा आज नेपाल अमेरिकासँग खेल्दै

सेयर गर्नुहोस्
14Shares

काठमाडौं । आईसीसी विश्वकप क्रिकेट लिग–२ अन्तर्गत नेपाल, ओमान र अमेरिकाबीचको त्रिकोणात्मक एकदिवसीय सिरिज आजदेखि सुरु हुँदैछ।

ओमानको अल अमिरात क्रिaकेट मैदानमा नेपालले आज अमेरिकाविरुद्ध खेल्दै सिरिजको सुरुवात गर्नेछ। नेपाल र अमेरिकाबीचको खेल दिउँसो ४स्१५ बजे सुरु हुनेछ।

अमेरिकाविरुद्ध मैदान उत्रदा नेपाल सुखद सुरुवात गर्ने योजनामा हुनेछ। तर, बलियो प्रतिद्वन्दीविरुद्ध जित निकाल्न नेपाललाई सहज भने छैन। कप्तान ज्ञानेन्द्र मल्लले अमेरिकाविरुद्धको खेल कठिन हुने बताएका छन।

ुअमेरिका राम्रो छ। चार नयाँ खेलाडी छन्। उनीहरुले पीएनजीसँग राम्रो खेलेको थियो। सजिलो हुन्छ जस्तो लाग्दैन। खेल कठिन हुन्छ जस्तो लाग्छ,ु मल्ल भन्छन्, ुतालिकामा दोस्रो स्थानमा समेत रहेको छ। यो अवस्थामा केहि फरक पर्छ जस्तो लाग्छ।ु

लिग–२ अन्तर्गत नै नेपालले यस अघि घरेलु मैदानमा अमेरिकासँग दुई खेल खेलेको थियो। नेपालले दुबै खेल जितेको थियो। जसको कारण नेपाल आत्मविश्वासी भएर मैदान उत्रनेछ। अमेरिका भने नेपालविरुद्ध बदलाको योजनामा हुनेछ।

तर, ओमानको अवस्था फरक भएको कारण विगतको भन्दा खेल फरक हुने कप्तान मल्लले बताए। सन् २०२० को फेब्रुअरी १२ मा टियु क्रिकेट मैदानमा नेपालले अमेरिकासँग पछिल्लो पटक प्रतिस्पर्धा गरेको थियो। त्यस खेलमा नेपालले अमेरिकालाई ८ विकेटले हराएको थियो।

त्यसअघि फेब्रुअरी ८ मा भएको खेलमा नेपालले अमेरिकालाई ३५ रनले हराएको थियो। नेपालले सिरिजको तयारीका लागि पपुवा न्युगिनी ९पीएनजी० सँग दुई एकदिवसीय अन्तराष्ट्रिय सिरिज खेलेको थियो। जसमा नेपालले २(० ले जितेको थियो। त्यस्तै नेपालले दोस्रो खेलमा ओमानसँग मंगलबार प्रतिस्पर्धा गर्नेछ।

नेपालले तेस्रो खेलमा अमेरिकासँग शुक्रबार प्रतिस्पर्धा गर्दा आफ्नो अन्तिम खेलमा नेपालले ओमानसँग आइतबार खेल्नेछ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।