त्रिशुलि कार दुर्घटना अपटेड : दुईको शव भेटियो

सेयर गर्नुहोस्
32Shares

मंसिर ११, ई–साझाकुरा

राष्ट्रिय जनमाेर्चा निकट अखिल नेपाल युवक संघ का केन्द्रीय उपाध्यक्ष मुकुन्द रोकासहितको परिवार चढेको गाडी त्रिशूली नदीमा खसेकाे छ । साे क्रममा उनकी श्रीमती, छाेरी र चालक बेपत्ता भएका थिए । तर केही समयपछि नै श्रीमती र चालककाे शव फेला परेकाे छ भने छाेरी अझै बेपत्ता छिन् ।

प्युठानबाट बिरामी छाेरी बोकेर काठमाडौं जाँदै गरेको पिकअप भ्यान त्रिशूली नदीमा खस्दा खसेकाे थियाे । दुर्घटना भएलगत्तै अखिल नेपाल युवक संघ का केन्द्रिय उपाध्यक्ष मुकुन्द रोका भने नदीमा पौडिएर निस्किन सफल भएका थिए ।

जिल्ला प्रहरी ट्राफिक कार्यालय चितवनका प्रमुख दयाकृष्ण भट्टलेचितवनको इच्छाकामना गाउँपालिका वडा नं. ४ स्थित नाग्दी खोला नजिकबाट लु १ च ९७३१ नम्बरको स्कारपियाे बिहीबार बिहान साढे ५ बजे त्रिशूलीमा नदीमा खसेको बताए ।

अखिल युवक संघका केन्द्रीय अध्यक्ष अनिल किशाेर घिमिरेका अनुसार दुर्घटनामा प्युठानको झिमरुक गाउँपालिका वडा नम्बर १ घर भएका ३८ वर्षीय मुकुन्द बहादुर रोक्का घाइते छन् ।

शव फेला पर्नेमा मुकुन्दकी श्रीमती ३३ वर्षीया जमुना रोक्का  र पिकअप भ्यान चालक २३ वर्षीय सूर्य केसी रहेका छन् । बिरामी छोरी १५ वर्षीया जिनिसा रोक्काकाे अवस्था भने अज्ञात छ ।

घाइते मुकुन्दकाे चितवनको भरतपुरस्थित कलेज अफ मेडिकल साइन्सेस शिक्षण अस्पताल (पुरानो मेडिकल कलेज) मा उपचार भइरहेको छ ।

प्रहरीका अनुसार पिकअप भ्यान सडकबाट करिब ६० मिटर तल त्रिशूली नदीमा खसेको छ । बेपत्ताहरुको नेपाल प्रहरी र सशस्त्र प्रहरीको टोलीले खोजीमा जुटेकाे थियाे । अझै पनि खाेजी कार्य जारी रहेकाे बताइएकाे छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट पाँच वटा गोली लागेका घाइते फेला
अगिल्लो पोस्ट शेयर बजार परिसूचक नेप्से कीर्तिमानी अंकमा