कोरोना खोप वितरणमा विभेद हुनसक्ने चिन्ता, थप अनुसन्धानको जरूरत : डब्लुएचओ

सेयर गर्नुहोस्
79Shares

मंसिर ९, ई–साझाकुरा

पछिल्लाे समय विभिन्न देशहरूले काेराेनाविरूद्धकाे खाेप बजारमा ल्याउने तयारी थालेका छन् । अमेरिकालगायत अन्य मुलुकले कोरोनाविरुद्धका खोपहरु परीक्षण गरिरहेकाे र तिनकाे सफलता ९० प्रतिशत माथि रहेकाे बताइएकाे छ । केही महिनाभित्रै खाेपहरू पूर्ण स्वीकृति पाएर बजारमा अाउनसक्ने देखिन्छ । तर यही बेला खाेप वितरणमा विभेद हुन सक्ने भन्दै विश्व स्वास्थ्य संगठन (डब्लुएचओ) ले  चिन्ता व्यक्त गरेकाे छ  ।

डब्लुएचओका प्रमुख डा. टेड्राेस अधानम घेब्रेसियसले खोपको समान रुपमा वितरण हुनुपर्ने भन्दै त्यसाे नहुने हाे कि भन्ने चिन्ता रहेकाे बताउनुभयाे । उहाँले संसारभर काेराेना प्रभावित नागरिकलाई सहज रुपमा खोप पुर्‍याउन करोडौं डलरको साझा कोष आवश्यक रहेको बताउँदै ठूला र सम्पन्न देशले साना मुलुकलाइ विभेद गर्न नहुने धारणा राख्नुभएकाे छ । साथै खोपको सफलता नजिकै रहेकाे र अब यसकाे वितरणका लागि सबै देश तयारीमा जुट्नु जरूरी रहेकाे उहाँकाे धारणा छ ।

डा टेड्रोसले  काेराेनाविरूद्धका भ्याक्सीनको परीक्षणले ल्याउने सकारात्मक नतिजाको प्रतीक्षामा आफूहरू रहेको बताउनुभएको छ । उहाँका अनुसार अमेरिकाकाे अक्सफाेर्ड विश्वविद्यालयले बनाइरहेका खाेपकाे प्रभावकारिता बढी देखिएकाे छ । खोपको प्रभावकारीताका बारेमा अझै थप अनुसन्धान जारी रहेको उहाँकाे भनाइ छ ।

विगतदेखि नै डब्लुएचओले कोरोना महमामारी नियन्त्रणका लागि विश्वका देशहरूबीच सामुहिक एकता र सहकार्य हुनुपर्नेमा जाेड दिँदै  आएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट इङ्ग्लिस प्रिमियर लिग : साउथह्याम्टन र वुल्भ्सकाे खेल बराबरीमा
अगिल्लो पोस्ट ट्राफिक जरिवाना अब अनलाइनबाटै तिर्न सकिने तिर्न