जनज्योती मावि मोतिपुरमा ९ वटा कम्प्युटर र ल्याप्टप चोरी

सेयर गर्नुहोस्
361Shares
                                                                             फाईल तस्तिबर : जनज्योति मावि मोतिपुर ।

मंसिर ७ कपिलवस्तु

कपिलवस्तुको वाणगंगा नगरपालिकामा पछिल्लो समय चोरीका घटना तिव्र गतिमा भईरहेका छन् तर चोरीगर्ने गिरोह भने प्रहरीको नजरमा पर्न सकेको छैन । केही दिन अघि रेडियो वाणगंगाको निर्माणाधिन भवनबाट २ थान झ्याल चोरी भएका थिए भने सोही दिन वाणगंगा नगरपालिका वडा नम्बर ७ मोतिपुर स्थित जन ज्योति मा.विबाट ९ थान कम्प्युटर सहितका अन्य उपचकरण चोरी भएको खुलेको छ ।
विद्यालयको कार्यालय भित्र राखिएका नयाँ सेट ९ थान कम्प्युटर सेट चोरी भएको छ भने एक थान ल्पाप्टप सहितका उपकरण समेत चोरी भएको विद्यालयका प्रधानाध्यापक विष्णुप्रसाद भण्डारीले बताउनुभयो । प्रयोगमै ल्याउन नपाउँदै ९ थान डक्स्टब कम्प्युटर चोरी भएको भण्डारीले जानकारी दिनुभएको छ । विद्यालयको कार्यालयको ढोका तोडेर सो सामान चोरी भएका हुन । प्रधानाध्यापक भण्डारीका अनुसार विद्यलयका कम्प्युटर सहितका विभिन्न उपकरण गरी करिब रु. २ लाख बराबरका सामान चोरी भएका छन् ।
यता घटनाका विषयमा अनुसन्धान भईरहेको र गस्तिटोली बढाइएको ईलाका प्रहरी कार्यालय पिपराले जनाएको छ । चोरीको घटना अन्य अपराध जस्तो अनुसन्धानमा सहज नभएका कारण चोरीका घटना बढि हुने गरको र अनुसन्धानमा पनि समय लाग्ने गरको ईलाका प्रहरी कार्यालय पिपराका प्रहरी निरिक्षक दिनेश गुरुङ्ले बताउनुभयो ।
प्रहरीको सक्रियता बढेको दावी भईरहे पनि वाणगंगा नगरपालिका वडा नम्बर ७ मा पछिल्लो केही महिनामै एक दर्जन बढी चोरीका घटना भएका छन् । तर चोरी गर्ने समुह भने अज्ञात रहदैँ आएको छ । जसका कारण प्रहरी सक्रियता कमजोर देखिएको छ भने चोरी गर्ने गिरोह सक्रिय बनिरहेको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट पीसीआर टेष्टका लागि अब सरकारी परिचयपत्र अनिवार्य
अगिल्लो पोस्ट बुटवलको बसपार्क नजिक टिपरको ठक्करबाट १ जनाको मृत्यु