ओलीको नेता नेपालसँग छलफल

सेयर गर्नुहोस्
0Shares

कार्तिक ३० काठमाडौँ ।
प्रधानमन्त्री तथा नेकपा अध्यक्ष केपी शर्मा ओलीले पार्टीको विवाद समाधानका लागि वरिष्ठ नेता माधव नेपालसँग छलफल गरेका छन् ।
प्रधानमन्त्री निवास बालुवाटारमा प्रधानमन्त्री ओलीले आइतबार नेता नेपालसँग भेट गरे । उनले यसअघि उपाध्यक्ष वामदेव गौतमसँग भेट गरी विवाद समाधानबारे छलफल गरेका थिए ।
नेकपाका अर्का अध्यक्ष पुष्पकमल दाहालले शुक्रबार पेश गरेको प्रस्तावले गर्दा नेकपामा थप विवाद सिर्जना गरिदिएको छ । उक्त प्रस्तावमा वरिष्ठ नेता नेपाल सहित वामदेव गौतम, झलनाथ खनाल र नारायणकाजी श्रेष्ठको समेत सहमति भएपछि प्रधानमन्त्री ओलीमाथि थप दबाब बढेको छ ।


नेपालसँग आइतबारको भेटमा नेता विष्णु पौडेल पनि सहभागी रहेको ओली निकट स्रोतले जनाएको छ । उक्ट्ट छलफल दाहालको राजनीतिक प्रस्ताव फिर्ता लिने उपायबारे केन्द्रित रहेको बुझिएको छ ।
ओलीले विवाद समाधान गर्न नेता नेपाललाई आग्रह गरेको समेत नेकपा स्रोतले बताएको छ । गत शुक्रबार दाहालले पेश गरेको प्रतिवेदनमा प्रधानमन्त्रीले सरकार र पार्टीलाई सही दिशा दिन नसकेको बताइएको छ । पछिल्लो केही सातादेखि नेकपाका दुई अध्यक्षबीच आरोप प्रत्यारोप बढ्न थालेको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट सरकारमा जान नपाएकाहरू पार्टी भित्रै आत्तिए : मुख्यमन्त्री पोखरेल
अगिल्लो पोस्ट आईतबार देशभर११६ जना जुवाडे समातिए