गुल्मीमा जीप दुर्घटना हुँदा एक युवकको मृत्यु , ७ जना घाइते

सेयर गर्नुहोस्
76Shares

कात्तिक २८, गुल्मी ।
गएराति गुल्मीमा जीप दुर्घटना हुँदा एक युवकको मृत्यु भएको छ भने अन्य सातजना घाइते भएका छन् ।
जिल्लाको गुल्मीदरवार गाउँपालिका वडा नम्बर २, फोक्सीबास भन्ने स्थानमा लु१च ४७११ नम्बरको जीप दुर्घटना हुँदा चालक २४ वर्षीय मेखबहादुर गाहको मृत्यु भएको हो ।
जिल्ला प्रहरी कार्यालय गुल्मीका प्रमुख एवं एसपी प्रविणलाल श्रेष्ठले चालक गाहको मृत्यु भएको तथा अन्य ७ जना घाइते भएको जनाए ।

घाइतेमध्ये सोनु गाह र प्रेमबहादुर थापा स्थानीय स्वास्थ्य चौकीमा सामान्य उपचारपछि डिस्चार्ज भईसकेका छन् भने घनबहादुर गाह, प्रेमबहादुर पल्ली, श्री राजकोटी, अलिक पाल्पाली र भिमहादुर गाहको लुम्विनी मेडिकल कलेज पाल्पामा उपचार भइरहेको एसपी श्रेष्ठले जानकारी दिए ।

उक्त जीप मजुवाबाट जुभुङ्गको हटियातर्फ आउँदै गरेको अवस्थामा सडकबाट करिव ३ सय मिटर तल खसेको बताईएको छ । दुर्घटनाको कारण भने खुलेको छैन ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट ललितपुरको बालकुमारीमा भीषण आगलागी
अगिल्लो पोस्ट गुल्मीमा देउसीभैलो खेल्न नपाईने