प्रिमियर लिगमा आर्सनलको लज्जास्पद हार

सेयर गर्नुहोस्
0Shares

कार्तिक २४ काठमाडौं ।
प्रिमियर लिग फुटबलमा आर्सनलले लज्जास्पद हार व्यहोरेको छ । आइतबार राति भएको खेलमा आर्सनल एस्टन भिल्लासँग ३–० गोलको लज्जास्पद हार व्यहोरेको हो ।

आर्सनलको घरेलु मैदानमा भएको खेलमा एस्टन भिल्लाको जितका लागि ओलिए वाट्किनसले दुई गोल गरे । एक गोल भने आत्मघाती उपहार पाएको थियो ।

खेलको २५औं मिनेटमा एस्टन भिल्ला आत्मघाती गोलबाट अगाडि बढेको थियो । एस्टन भिल्लाका टार्गेटले गरेको क्रस आर्सनलका मिडफिल्डर बुकायो साकाले किलयर गर्न खोज्दा गोलमा परिणत भएको थियो ।

यसअघि खेलको पहिलो मिनेटमै जोहन म्याकगिनले गोल गरेका थिए । तर, रेफ्रीले भीआरको सहायताबाट अफसाइड दिएपछि गोलले मान्यता पाएनन् । ७२औं मिनेटमा वाट्किनसले गोल गर्दै पाहुना टोलीको अग्रता दोब्बर पारे । उनले बार्कलिको पासमा गोल गरेका थिए ।

त्यस्तै त्यसको तीन मिनेट नबित्दै वाट्किनसले व्यक्तिगत दोस्रो गोल गरे । उनले ग्रेअलिसको पासमा गोल गर्दै एस्टन भिल्लालाई ३–० को सहज जित दिलाए । यस जितसँगै एस्टन भिल्लाले सात खेल खेल्दै पाँच खेलमा जित र दुई खेलमा हारसहित १५ अंक जोडेर तालिकाको छैटौं स्थानमा उक्लिएको छ ।

यता पराजित आर्सनलको भने यो चौथो हार हो । आठ खेल खेलेको आर्सनलले चार जित र चार खेलमा हारसहित १२ अंक जोडेर तालिकाको ११औं स्थानमा छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट दिल्ली पहिलो पटक आईपीएलको फाइनलमा
अगिल्लो पोस्ट प्राविधिक कलेजका नाममा महायज्ञ, तीन वर्ष वित्यो बनेन कलेज