चिकित्सकमा कोरोना देखिएपछि जिल्ला अस्पताल अर्घाखाँची बन्द गरियो

सेयर गर्नुहोस्
28Shares

कात्तिक २३ अर्घाखाँची
सात जना चिकित्सक सहित १७ जना स्वास्थ्यकर्मीमा कोरोना संक्रमण देखिएपछि अर्घाखाँचीको जिल्ला अस्पताल बन्द भएको छ ।
अर्घाखाँची जिल्ला अस्पतालका प्रमुख डा. कपिल गौतम सहित ७ जना चिकित्सक र १० जना स्वास्थयकर्मी गरि कुल १७ जनामा लक्षणसहितको कोरोना देखिएपछि प्रसूति र अत्यावश्यक बाहेकका अन्य सबै सेवा बन्द गरिएको अस्पताले जनाएको छ ।
चिकित्सक र स्वास्थ्यकर्मीमा संक्रमण देखिएपछि अर्को सूचना जारी नहुँदासम्मको लागि अस्पतालका सबै सेवा बन्द गरिएको जिल्ला अस्पताल अर्घाखाँचीका प्रमुख डाक्टर डा. गौतमले जानकारी गराउनुभएको हो ।
यसैबिच अर्घाखाँची जिल्लामा आज साँझ सम्म कोरोना संक्रमित हुनेको कुल संख्या ६०२ पुगेको जिल्ला प्रशासन कार्यालय अर्घाखाँचीले जनाएको छ ।
सहायक प्रमूख जिल्ला अधिकारी विनोद खनालका अनुसार अर्घाखाँची जिल्लिामा अहिले कोरोनाका सक्रिय संक्रमितको संख्या ३८ रहेको छ । उनीहरु मध्ये केहीको विभिन्न अस्पतालमा उपचार भईरहेको छ । यस्तै अर्घाखाँचीमा अहिले सम्म ५५७ जनाले कोरोनालाई परास्त गरि स्वास्थ्यलाभ लिईरहेका छन् । अहिले सम्म ७ जनाको मृत्यु भएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।