विश्वभर कोरोना : पाँच करोड बढी सङ्क्रमित

प्रतिनिधि तस्बीर
प्रतिनिधि तस्बीर
सेयर गर्नुहोस्
2Shares

कात्तिक २३, काठमाण्डौ ।
विश्वभर कोरोना भाइरसका सङ्क्रमितको सङ्ख्या पाँच करोड नाघेको छ । दुई सय १६ देशमा फैलिएको कोरोना भाइरसबाट अहिलेसम्म पाँच करोड तीन लाख ५० हजार भन्दा धेरैमा सङ्क्रमण पुष्टि भएको वल्डोमिटरले जनाएको छ ।
सङ्क्रमितमध्ये १२ लाख ५७ हजार चार सय भन्दा धेरैको ज्यान गइसकेको छ भने तीन करोड ५६ लाख भन्दा धेरै निको भइसकेका छन् । विश्वमा अहिले एक करोड ३४ लाख ९१ हजार भन्दा धेरै सक्रिय सङ्क्रमित रहेका छन् ।

कोरोना भाइरसबाट सबैभन्दा धेरै प्रभावित बनेको अमेरिकामा एक करोड एक लाख ८५ हजार भन्दा धेरैमा सङ्क्रमण पुष्टि भएको छ । अमेरिकामा दुई लाख ४३ हजार भन्दा धेरैको ज्यान गइसकेको छ भने ६४ लाख ४२ हजार भन्दा धेरै निको भएका छन् ।

विश्वका नौ वटा देशमा १० लाख भन्दा धेरैमा सङ्क्रमण भएको छ । प्रभावितहरुको दोस्रो सूचीमा रहेको भारतमा ८५ लाख सात हजार भन्दा धेरैमा सङ्क्रमण पुष्टि भएको छ । भारतमा एक लाख २६ हजार भन्दा धेरैको ज्यान गइसकेको छ भने ७८ लाख ६८ हजार भन्दा धेरै निको भएका छन् । कोरोना सङ्क्रमित भेटिएका आठ वटा देशले सक्रिय सङ्क्रमितको सङ्ख्या शून्यमा झारेर कोरोना सङ्क्रमणमुक्त भएका छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट नेपालमा कोरोना : सङ्क्रमित एक लाख ९४ हजार चार सय बढी पुगे
अगिल्लो पोस्ट कल्याणकोट कृषि सहकारी संस्थाको अध्यक्षमा पुनः चौधरी चयन