नगद र गरगहना चोरी गर्ने दुईजना पक्राउ

सेयर गर्नुहोस्
7Shares

कात्तिक २२ पाल्पा ।
पाल्पाको रामपुर नगरपालिका(८ ढकाल चौपारीकी मनकुमारी श्रेष्ठको नगद र सुनका गरगहना चोरी गर्ने दुईजना पक्राउ परेका छन्। पक्राउ पर्नेमा मनकुमारीकी बुहारी राममाया श्रेष्ठ र पूर्वी नवलपरासीको बौदिकाली गाउँपालिका(३ घर भई हाल रामपुर नगरपालिका ५ बस्ने ३० वर्षीय माधव पंगेनी रहेको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक मदन गिरीले बताए।

उनका अनुसार गत १८ गते राति साढे एक बजे उनीहरूले खुकुरी देखाइ मार्ने धम्की दिँदै लुटेका थिए। बाकस र दराजमा रहेको नगद ३ लाख ५८ हजार रुपैयाँ र साढे ९ तोला सुनका विभिन्न गरगहना लुटेर भागेका थिए।

निरन्तरको खोजतलासका क्रममा उनीहरूले लुकाई छिपाइ राखेको अवस्थामा नगद र सुनका गहना बरामद भएको गिरीले बताए। उनीहरूविरुद्ध डाका चोरीसम्बन्धी मुद्धा दर्ता गरी घटनाबारे थप अनुसन्धान भइरहेको उनले बताए।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

प्रतिकृया दिनुहोस्

Please enter your comment!
Please enter your name here