बाणगंगाको स्थानिय पाठ्यक्रम प्रधानाध्यापकहरुलाई प्रबोधिकरण गरियो

सेयर गर्नुहोस्
69Shares

कात्तिक २२ कपिलवस्तु
बाणगंगा नगरपालिकाले तयार पारेको स्थानीय पाठ्यक्रम शुक्रबार नगरपालिका भित्रका ४८ विद्यालयका प्रअ हरुमाझ सार्वजनिक गरिएको छ ।नगरपालिकाको युवा शिक्षा तथा खेलकुद विकास शाखाले आयोजना गरेको पाठ्यक्रम प्रबोधिकरण कार्यक्रम मार्फत प्रधानाध्यापकहरुका बिचमा सो पाठ्यक्रम सार्वजनिक पनि गरीएको हो ।
जिल्लाका १० पालिकामध्ये बाणगंगामा पहिलोपटक स्थानीय पाठ्यक्रम लागु गर्न सुरु गरिएको छ । पाठ्यक्रममा कपिलवस्तु जिल्लाको ऐतिहासिकता, सामाजिक, धार्मिक, पुरातात्विक, पर्यटकीय, सांस्कृतिक र आर्थिक महत्व लगायतका विषयहरु समावेश गरिएको छ भने गौतम बुद्धको जीवनी, बौद्ध दर्शन, योग र कपिलवस्तुका सम्पदाहरु लगायतका विषयहरुलाई सूक्ष्म तरिकाले समेटिएकोले विद्यालयका प्रधानाध्यपकहरुले पालिकालाई धन्यवाद व्यक्त गरेका थिए ।
‘कपिलवस्तु र बौद्ध शिक्षा’ पाठ्क्रममा आधारित भएर नगरले कक्षा ६ । ७ मा ४६ र ७ मा ४७ पेजको ५० । ५० पूर्णाङ्कको पाठ्यपुस्तक समेत प्रकाशन भएको विहीबार एक कार्यक्रमको आयोजना गरि जानकारी गराएको हो ।
पुस्तकका सम्पादक ज्ञानराज अर्यालले कपिलवस्तुका ऐतिहासिकता, सामाजिक, धार्मिक, पुरातात्विक, पर्यटकीय, सांस्कृतिक र आर्थिक लगायतका विषयमा गहन खोज, अध्ययन, अनुसन्धान गरी पठनपाठनको लागि बिभिन्न विषयवस्तु तयार पार्न सफल भएको बताउनुभयो । उहाँले पाठ्यक्रमको अध्ययनपछि बाल बालिकाहरुले गौतम बुद्धको जीवनी, वौद्ध दर्शन योग लगायतका विषयमा आधारभूत ज्ञान हासिल गर्न सक्ने दावी गर्नुभयो ।
यस्तै कार्यक्रममा शिक्षक बासुदेव घिमिरे, विष्णुकुमार थापा, रामप्रसाद अर्याल लगायतले नगरपालिकाको नगर सभाबाट नीतिगत रुपमा प्रस्ताव गरी कपिलवस्तु र बौद्ध शिक्षा विषयक पाठ्क्रम निर्माण प्रकृया अगाडी बढाएको र अहिले आएर मात्र कार्यान्वयनको चरणमा पुगेकोले यसबाट विद्यार्थीले धेरै ज्ञान हासिल गर्ने बताउनुभयो ।
नगरका शिक्षा शाखा प्रमुख बाबुराम भट्टराईको अध्यक्षता रहेको कार्यक्रममा नगर उपप्रमुख चक्रपाणी अर्यालको प्रमुख आतिथ्य रहेको थियो । स्रोतव्यक्ति कविराज भण्डारीको स्वागत रहेको कार्यक्रमको संचालन शिक्षा अधिकृत खिम बहादुर जिसीले गर्नु भएको थियो ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट आराम छु , हिजोभन्दा धेरै राम्रो छ : गजुरेल
अगिल्लो पोस्ट देशभर न्यूनतम तापक्रम घट्दै : जाडो सुरु