२५ जना भन्दा बढी भैलाे नखेल्नु : प्र.जि.अ पौडेल

सेयर गर्नुहोस्
77Shares

कार्तिक २१ कपिलवस्तु

हिन्दु धर्मावलम्बिहरुको दोस्रो महान चाड तिहार नजिकिन लागे सँगै जिल्ला प्रशासन कार्यालय कपिलवस्तुले यसवर्ष देउँसी भैलो नखेल्न आग्रह गरको छ । औपचारीक सूचना आईतबार प्रकाशन गर्ने तयारी गरेको जिल्ला प्रशासनले कोरोनाको जोखिम कपिलवस्तुमा कायमै रहेका कारण यस वर्ष दशै जस्तै तिहार पनि सामान्य किसिमले मनाउन आग्रह गरको हो ।

प्रमूख जिल्ला अधिकारी दिर्घनारायण पौडेलले ई–साझाकुरा डट कमसगँ कुरा गदैँ भन्नुभयो तिहारको समयमा देउसी भैलो खेल्न प्रतिबन्ध नै नलगाए पनि सामान्य किसिमले मनाउन आग्रह गरिएको उहँको भनाई छ ।

कपिलवस्तु जिल्ला कोभिड १९ को उच्च जोखिममा रहेको बताउँदै प्रमुख जिल्ला अधिकारी पौडेलले सके सम्म देउँसीका कार्यक्रम आयोजना नगर्ने र गर्नै पर्ने भए २५ जना भन्दा बढी भेला नहुने गरी आयोजना गर्न सकिने बताउनुभयो ।

अझै पनि कोरोनाका महामारीले एक अर्का सँग डर मान्नुपर्ने स्थिति भएका कारण देउँसीका नाममा गरिएको लापरवाहीले अर्काे संकट उत्पन्न हुन सक्ने हुँदा सकभर भैलो नखेल्न उहाँले आग्रह पनि गर्नुभयो ।

यस्तै तिहारका बेला भारतीय बजारबाट आयात हुने पटका जन्य पदार्थ र वस्तुहरुको पूर्ण रुपमा रोक लगाइएको भन्दै उहाँले जिल्ला भित्र भेटिए जफत गरिने र कानुन अनुसार कार्वाही पनि गरिने बताउनुभयो ।

त्यस्तै जुवातास खेल्ने, पटका, आतिशवाजी र भुइचम्मा जस्ता विस्फोटक पदार्थ बिक्री र प्रयोग नगर्न पनि प्रशासन कार्यालयले आग्रह गरेको छ ।

धार्मिक स्थल जस्तै चर्च, मस्जिद, गुम्बाहरुमा भेला भई कार्यक्रम गर्ने, प्रार्थना गर्ने, संगती गर्ने काम पनि सकभर नगर्न प्रमूख जिल्ला अधिकारी पौडेलले आग्रह गर्नुभएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट शुक्रबार कपिलवस्तुमा थपिए १६ संक्रमित , एउटै नगरपालिकामा ११ जना संक्रमित
अगिल्लो पोस्ट बैंगलोरलाई हराउँदै हैदरावाद क्‍वालिफायरमा