युरोपा लिगमा रोमाको फराकिलो जित

सेयर गर्नुहोस्
525Shares

कार्तिक २१ काठमाडौं ।
इटालियन सिरी ए क्लब रोमाले युरोपा लिगअन्तर्गत समूह चरणको तेस्रो खेलमा फराकिलो जित निकालेको छ । बिहीबार राति भएको खेलमा रोमाले सीएफआर क्लुजलाई ५(० गोल अन्तरले पाजित गरेको हो ।

घरेलु मैदानमा भएको खेलमा रोमालाई जित दिलाउन बोर्जा मयोरलले दुई गोल गरे । त्यस्तै हेनरिक मख्रियान, इबान्ज र पेड्रो रोर्डिगेजले समान एक(एक गोल गरे ।

खेलको पहिलो मिनेटमा हेनरिकले गोल गर्दै रोमालाई अग्रता दिलाए । २४औं मिनेटमा इबेन्जले गोल गर्दै रोमाको अग्रता दोब्बर पारे । ३४औं मिनेटमा मयोरलले गोल गर्दै रोमालाई ३(० गोलको अवस्थामा पुर्‍याए ।

पहिलो हाफमा तीन गोल गरेको रोमाले दोस्रो हाफमा थप दुई गोल गर्न सफल भएको थियो । ८४औं मिनेटमा मयोरलले व्यक्तिगत दोस्रो गोल गर्दै टिमलाई ४(० गोलको अवस्थामा पुर्‍याए ।

८९ मिनेटमा रोर्डिगेजले गोल गर्दै रोमालाई ५(० गोलको जित निकाले । जितसँगै समूह ‘ए’मा तीन खेलबाट ७ अंक जोडेको छ । रोमा तालिकाको शीर्ष स्थानमा छ । पराजित क्लुज ४ अंकसहित तालिकाको दोस्रो स्थानमा छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट आईपीएल : मुम्बई फाइनलमा प्रवेश
अगिल्लो पोस्ट श्रीमानको हत्या गरेको आरोपमा एक महिला प्रक्राउ