कालीगण्डकी करिडोरमा सुख्खा पहिराे : ५ जना मजदूरकाे मृत्यु

सेयर गर्नुहोस्
2Shares

कालीगण्डकी करिडोर अन्तरगत नवलपुर खण्डमा सुख्खा पहिराे खसेकाे छ । पहिराेमा पुरिएर पाँच जना मजदूरको मृत्यु भएको छ ।नवलपुरको बुलिङ्टार गाउँपालिकामा पर्ने सडक खण्डमा पहिराे गएकाे र त्यहाँ कार्यरत पाँच जना मजदुरहरूको मृत्यु भएको जनाइएकाे छ ।मजदूरहरू सडकखण्डमा ग्याबिनमा ढुंगा भरिरहेको बेला बुधबार साँझ माथिबाट खसेको पहिरोमा मजदुरहरु पुरिएका हुन्  ।

जिल्ला प्रहरी कार्यालय नवलपुरका अनुसार मृत्यु हुनेमा सबै बुलिङ्टार– ४ का रहेका छन् । जसमा २० वर्षीय गोपाल गरञ्जा, चेतबहादुर अस्लामी मगर र ताराबहादुर लुङ्गेली तथा २८ वर्षीय तुलबहादुर सारु र ४२ वर्षीय सुनबहादुर पुलामी रहेको बताइएको छ ।पहिरोमा पुरिएर २१ वर्षीय कृष्ण लुंगेली र १९ वर्षीय केवल सिंह लुंगेली मगर घाइते भएकाे र उनीहरुलाई करिडोरमै कार्यरत अन्य मजदुरहरुले उद्धार गरेकाे प्रहरीकाे भनाइ छ  । हाल घाइते दुवै जनाको चितवनको भरतपुरमा उपचार भइरहेको छ ।पहिरामा पुरिएका पाँचै जनाकाे शव इलाका प्रहरी कार्यालय बुलिङ्टारबाट खटिएको प्रहरी टोली र स्थानीयवासीको सहायतामा निकालिएको थियो ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट गैँडाको माउ र बच्चा मृत फेला
अगिल्लो पोस्ट बैतडी र दार्चुलामा भूकम्पको धक्का महसुस