कपिलवस्तुको मधुवनधाममा गौशाला निर्माणको प्रक्रिया सुरु

सेयर गर्नुहोस्
52Shares

कपिलवस्तु, कार्तीक १९

छाडा रुपमा सडक र बस्तीमा ठूलो संख्यामा देखिने पशुचौपायाको व्यवस्थापन तथा गाईको संरक्षणका लागि वाणगंगा नगरपालिकामा गौशाला निर्माणको प्रक्रिया सुरु गरिएको छ । कपिलवस्तुको वाणगंगा नगरपालिका वडा नं ८ को मधुवनधाममा गौशाला निर्माणको तयारीलाई अगाडी बढाइएको हो । गौशाला निर्माणका लागि वाणगंगा नगरपालिकाबाट विनियोजित रु. ३० लाख र स्थानिय जनसहभागिता तथा धामको समेत आर्थिक लगानीमा तत्कालका लागि ५० लााखको लागतमा गौशाला निर्माण प्रक्रिया अगाडी बढाइएको वडा अध्यक्ष गुणानिधि भुषाले जानकारी दिनुभयो ।

विशेष गरी छाडा छोडिएका पशु चौपयको व्यवस्थान र गाईको संरक्षण गरि त्यसबाट उत्पादन समेत लिने उद्धेश्य रहेको छ । निर्माण सम्पन्न भए पछि पहिलो चरणमा ५० देखि ६० वटा सम्म चौपायको व्यवस्थापन गरिने छ । पशु चौपायको उचित व्यवस्थापनको ढाँचा तयार भए सँगै क्रमशः संँख्या पनि बृद्धि गर्दै जाने र छाडा पशुको व्यवस्थापन पनि गरिने वडा अध्यक्ष भुषाले बताउनुभयो ।

गौशाला निर्माणका लागि गौ संरक्षण व्यावस्थापन समिति र गौशाला निर्माण उपभोक्ता समिति गरी २ वटा समिति समेत आज गठन गरिएको छ ।

गौ संरक्षण व्यावस्थापन समितिमा तुल्सीप्रसाद अर्यालको संयोजकत्वमा ९ सदस्यीय समिति गठन भएको छ भने गौशाला निर्माण उपभोक्ता समितिमा चक्रबहादुर भण्डारीको संयोजकत्वमा ९ सदस्यीय समिति गठन गरिएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट कपिलवस्तु हाटबजार व्यावसायी समितिद्धारा निःशुल्क मास्क वितरण
अगिल्लो पोस्ट अभिनेत्री ऋचा शर्मा कोरोना संक्रमणमुक्त