अमेरिकामा निर्वाचन : ट्रम्प र बाइडेनबीच कडा प्रतिस्पर्धा

सेयर गर्नुहोस्
0Shares

कार्तिक १८ एजेन्सी ।
अमेरिकामा राष्ट्रपतीय निर्वाचन आज आज हुँदै छ । यसका लागि वर्तमान राष्ट्रपति डोनाल्ड ट्रम्प र पूर्वउपराष्ट्रपति जो बाइडेनबीच कडा प्रतिस्पर्धा हुने भएको छ ।

७४ वर्षीय ट्रम्प दोस्रोपटक तथा ७४ वर्षकै बाइडेन पहिलोपटक राष्ट्रपति हुने आकांक्षा राखेका छन् । दुवैमध्ये जो निर्वाचित भए पनि अमेरिकाको भविष्य बुढा नेताकै काँधमा पर्ने देखिएको विशलेषण भइरहेको छ ।

ट्रम्प वर्तमान राष्ट्रपति हुन भने अर्का उम्मेदवार बाइडेन बाराक ओबामा राष्ट्रपति हुँदा उपराष्ट्रपति थिए ।

कोरोना महामारीका कारणले मानवीय क्षति अत्यधिक बेहोरेको अमेरिकाले आगामी दिनमा स्वास्थ्य, आर्थिक र सामाजिक रणनीति कसरी तय गर्छ भन्ने विषयले यो चुनाव झन् महत्वपूर्ण भएको विश्लेषकको भनाइ छ ।

आगामी चार वर्षका लागि निर्वाचित हुने विश्वकै शक्तिशाली पद मानिने राष्ट्रपतिको यो निर्वाचन र त्यसपछि आउने नेतृत्वलाई केवल वर्षको समयावधिसँग मात्र तुलना नहुने विश्लेषकहरुको दाबी छ ।

सन् १९१८ मा देखापरेको स्पेनिस फ्लुपश्चात् एक सय वर्षमा आइलागेको कोरोना भाइरस र यसले पारेको गम्भीर असरलाई दीर्घकालीन रूपमा कसरी व्यवस्थापन गर्ने भन्ने विषय समेत यसै निर्वाचनसँग जोडिएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।