बेलायतको घोषण एक महिना लकडाउन

सेयर गर्नुहोस्
154Shares

ई–साझाकुरा, कार्तिक १६

बेलायतमा पुन एक महिनाका लागि लकडाउन घोषणा गरिएको छ।  कोरोना संक्रमण नियन्त्रणमा नआएपछि प्रधानमन्त्री बोरिस जोनसनले चार हप्ता लकडाउनको घोषणा गरेका हुन्।

कोरोना संक्रमण बढ्दै गएपछि बेलायतमा दोस्रो पटक लकडाउनको घोषणा गरिएको हो। बेलायतमा प्रतिदिन २० हजार भन्दा बढी कोरोना संक्रमित थपिन थालेपछि पुन लकडाउन गरीएको हो।

यसअघि मार्च २३ देखि जुलाइ ४ सम्म लकडाउनको घोषणा गरिएको थियो। सरकारको निर्णयसँगै आगामी डिसेम्बरसम्म अत्यावश्यक कामबाहेक घर बाहिर नजान सर्वसाधारणलाई आग्रह गरिएको छ। यस्तै रेष्टुराँ, जिमखाना र पबलगायत सर्वसाधारणको भीड हुने सेवा प्रदायकहरुलाई पनि बन्द गराइएको छ।

प्रधानमन्त्री जोनसनले पत्रकार सम्मेलन गरेर आवश्यक पसल, शिक्षण संस्था र खेलका प्रतियोगिताहरु भने जारी रहने बताए।   उनले ती सेवाहरु पनि सुरक्षाका मापदण्ड पूरा गरेर मात्र सञ्चालन गर्न पाइने बताए। उनले क्रिसमसमा कोरोना फैलन नदिन सतर्कता अपनाएको दावी गरेका छन्।  कोरोनाका कारण मृत्यु हुनेको संख्यामा बेलायत पाँचौ राष्ट्र हो।

अमेरिका, ब्राजिल, भारत र मेक्सिकोपछि बेलायतमा कोरोना संक्रमितको मृत्यु दर उच्च रहेको छ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट चेल्सीको सहज जित
अगिल्लो पोस्ट ब्राउनसुगरसहित भारतीय नागरिक पक्राउ