कपिलवस्तुको बाणगंगाबाट जंगली जनावर बँदेलको मासुसहित ३ जना पक्राउ

सेयर गर्नुहोस्
0Shares

कार्तिक १४ कपिलवस्तु
कपिलवस्तुबाट जंगली जनावर बँदेलको मासु सहित तीन जना पक्राउ परेका छन् । जिल्लाको बाणगंगा नगरपालिका वडा नम्बर १० पटना स्थित ढेकहीबाट ५५ किलो जंगली जनावर बँदेलको मासुसहित ३ जना पक्राउ परेका हुन । प्रकाउ परेकाहरुमा शुद्धोधन गाउपालिकाको हरनामपुरका हरि प्रसाद थारु र श्रवण कुमार चौधरी तथा बाणगंगा नगरपालिका– ११ का छठीराम पासी रहेको जिल्ला वन कार्यालयका सुचना अधिकारी मदनमोहन स्यान्डील्यले बताए ।
सुराकीका अधारमा प्रहरीले लु ३९ प ३४३० र युपी ५५ एबी २०२७ नम्बरको मोटरसाईलमा बदेलको मासु सहीत उनीहरुलाई पक्राउ गरि डिभिजन वन कार्यालय पिपरा पठाएको थियो । पक्राउ परेकाहरुले आफुहरुले सो बदेल भारतीय ब्यापारीबाट चाकरचौडामा ७ हजार भारतीय रुपैयामा किनेर ल्याएको दाबी गरेका छन् ।
प्रकाउ परेकाहरु माथी बन्यजन्तु ऐन अनुसार कारबाही प्रकृया अघि बढाईएको स्यान्डील्यले बताए । अदालतबाट कसुर ठहर भए ६ महिना कैद र २० हजार जरिवाना लाग्ने कानुनी प्रावधान छ । बरामद गरिएको मासुलाई स्थानीयबासी र पत्रकारको रोहोवरमा डिभिजन वन कार्यालय क्षेत्रमा नष्ट गरिएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट छुरा प्रहारबाट युवकको मृत्यु
अगिल्लो पोस्ट ३ मन्त्रीसहित २४ जना सांसदलाई कोरोना संक्रमण