प्रशिक्षणका लागि बोलाइएका ५ खेलाडीमा कोरोना सङ्क्रमण

सेयर गर्नुहोस्
0Shares

कात्तिक १४, काठमाण्डौ ।
बङ्गलादेशसँगको मैत्रीपूर्ण खेलका लागि बोलाइएका ३४ खेलाडीमध्ये पाँच खेलाडीमा कोरोना भाइरसको सङ्क्रमण पुष्टि भएको छ ।

मैत्रीपूर्ण खेलका लागि अखिल नेपाल फुटबल सङ्घले प्रारम्भिक चरणका लागि बोलाइएका पाँच खेलाडीमा कोरोना पुष्टि भएको एन्फाले जनाएको हो । तर खेलाडीको नाम भने सार्वजनिक गरिएको छैन ।

प्रशिक्षणको पहिलो दिन चार जना खेलाडीमा कोरोना देखिएकोमा फेरि शुक्रबार थप एक जना खेलाडीमा कोरोना पोजेटिभ देखिएको टोलीका व्यवस्थापक मधुसूदन उपाध्यायले जानकारी दिनुभयो । अहिले पाँचै जना आइसोलेशनमा रहेका छन् ।

मैत्रीपूर्ण खेलका लागि प्रशिक्षक बाल गोपाल महर्जनले टोलीलाई अभ्यास गराइरहेका छन् । गएको चैतमा सरकारले लकडाउनको घोषणा गरेसँगै खेलकुद क्षेत्र ठप्प भएको थियो, जसमा फुटबल पनि परेको थियो । दक्षिण एसियाली देश बङ्गलादेशले दुई मैत्रीपूर्ण खेलका लागि नेपाललाई प्रस्ताव गरे पनि सरकारको अनुमति नपाएपछि एन्फाले कुनै निर्णय लिन सकेको थिएन । तर सरकारले दशैँलगत्तै प्रशिक्षणको अनुमति दिएसँगै एन्फाले बिहीबारदेखि प्रशिक्षण आरम्भ गरेको हो । खेल कात्तिक २८ र मङ्सिर २ गतेका लागि तय भएका छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट तीन हजार गाँजाको बोट नष्ट
अगिल्लो पोस्ट सुत्केरी व्यथा लागेर अस्पतालमा भर्ना भएकी महिलाको लुम्बिनी प्रादेशिक अस्पतालमा मृत्यु