वर्षौ देखि प्रहरीको गाडि चालाएका पौडेल आफैले चलाएको स्कुटर दुर्घटनाबाट अस्ताए, शोक सलामी सहित अन्त्यष्टी

सेयर गर्नुहोस्
466Shares

कात्तिक १३ कपिलवस्तु

सवारी दुर्घटनामा घाईते भई उपचारका क्रममा ज्यान गुमाएका शसस्त्र प्रहरी बेस क्याम्प पिपरामा कार्यरत प्रहरी जवान नारायण पौडेलको आज अन्यष्टि गरिएको छ ।

विजया दशमीको अर्काे दिन कात्तिक ११ गते कपिलवस्तुको वाणगंगा नगरपालिका वडा नम्बर ८ स्थित बोडगाउँमा स्कुटर दुर्घटनामा घाईते हुनुभएका पौडेलको उपचारका क्रममा बुधबार ज्यान गएको थियो । ३२ वर्षिय पौडेल राति घर जानका लागि फर्किदै गर्दा दुर्घटनामा पर्नुभएको प्रहरीले जनाएको छ ।

उहाँलाई सुरुमा उपचारका लागि पिपरा अस्पतालमा लगिएको थियो । त्यहा उपचार सम्भव नभएपछि वुटवल पु¥याइएको शसस्त्र प्रहरी निरिक्षक अर्जुन प्रसाद ढकालले बताउनुभयो । पौडेलको उपचारका क्रममा वुटवलमा मृत्यु भएको हो ।

स्वर्गिय पौडेलको आज शसस्त्र प्रहरीले संगठनको नियम अनुसार लक्ष्मणघाटमा अन्तिम शोक सलामी सहित अन्त्यष्टि गरिएको जनाएको छ । स्वर्गिय पौडेलको अन्त्मि शोक सालमीमा शसस्त्र प्रहरी बल कपिलवस्तुका प्रमूख धुव्र बहादुर कार्की, शसस्त्र प्रहरी बेस क्याम्प पिपराका प्रमूख अर्जुन ढकाल सहित प्रहरी जवानहरुको उपस्थिती रहेको थियो ।

स्वर्गिय पौडेलको अन्त्यष्टि पछि ईन्सपेक्टर ढकालले करिब ११ बर्ष सेवा गरिसकेका पौडेल ईमान्दार र सधै सेवामा सक्रिय रहने स्वभावको रहेको भन्दै आफ्नो संगठनको एक ईमान्दार जवान गुमाउदा दुख लागेको बताउनुभयो । उहाँले उनको परिवारका लागि शसस्त्र प्रहरी बलको तर्फबाट हुने सबै सेवा र सुविधा प्रदान गरीने पनि बताउनुभएको छ ।

स्वगिय पौडेलको घर कपिलवस्तुको वाणगंगा नगरपालिका वडा नम्बर ७ मोतिपुर हो । उनी हाल शसस्त्र प्रहरी बेसक्याम्प पिपरामा सवारी चालकको रुपमा कार्यरत रहेका थिए । उनको राति करिब साढे १२ बजे स्कुटर दुर्घटना भएको ईलाका प्रहरी कार्यालय पिपराले जनाएको छ । डिउटी सकेर घर जाने क्रममा स्कुटर दुर्घटना भए पनि उनको जेनस अस्पताल वुटवलमा मृत्यु भएको ईलाका प्रहरी कार्यालय पिपराका प्रहरी निरिक्षक दिनेश गुरुङले बतउनुभयो ।

३२ बर्षीय पौडेलले विगत ११ वर्ष देखि सशस्त्र प्रहरी बेस क्याम्प पिपराको गाडी चलाउँदै आएका थिए । बर्षौदेखि गाडीलाई कुशलतापूर्वक हाकेका पौडेलको आफैले चलाएको दुईपाङग्रे स्कुटर दुर्घटना भएर निधन हुन पुगेको हो ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट बिहिबार देशभर २ हजार ३ सय ६४ संक्रमित थपिए,
अगिल्लो पोस्ट आज कोजाग्रत पूर्णिमा, दसैंको बिदाइ र तिहारको स्वागत गरिँदै