निर्माण कार्य ढिलो भएपछि भलवाड सडकमा स्थानियद्धारा सडक अबरुद्ध

सेयर गर्नुहोस्
381Shares

कात्तिक १३ कपिलवस्तु
कपिलवस्तुको बनगाई –भलवाड–डोहोटे सडक खण्डको निर्माण कार्यमा ठेकेदार कम्पनीले ढिलाई गरे पछि मुख्य सडक क्षेत्रका नागरिकहरुले यातायात सेवा अवरुद्ध गरेका छन् ।
दिनहु सो सडक भएर गुड्ने सयौँ सवारी साधनहरुका कारण सडकबाट उड्ने धुलोका कारण जनजीवन अस्तव्यस्त हुँदा पनि निर्माण कम्पनीले सडकमा आवस्यक धुलो नियन्त्रणका लागि अवस्यक पानी सिँचाई नगरेको भन्दै भलवाडका नागरिकहरुले बिहिबार बिहान देखि सडक अवरुद्ध पारेका हुन । अहिले सो सडक खण्डमा संचालन हुने यातायातका साधनहरु तथा मालवाहक ढुवानीका साधनहरु बाटोमै रोकिएका छन् ।
स्थानियका अनुसार सडकमा उढ्ने धुलोका कारण सडक छेउँका नागरिकहरुको स्वास्थ्यमा प्रतिकुल असर परेको छ । धुलो नियन्त्रण सँगै निर्माणको काम समेत सुस्त गतिमा संचालन हुदा सम्बन्धित निकायको चासो नगएका कारण बाटो अबरुद्ध गरिएको उनीहरुले बताए । सडकमा धुलो नियन्त्रणका लागि उनीहरुले माग गरेका छन् ।
हाल सो सडक खण्डमा कालोपत्रे कार्य भईरहेको छ । मंसिर मसान्त सम्म सक्ने लक्ष्य लिएको निर्माण कम्पनीले पुन ः आगामी जेठ मसान्त सम्म निर्माण सम्पन्न गर्ने समय पाएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट सल्यान : जिल्ला प्रशासन कार्यालय सेवा एक हप्तासम्म स्थगित
अगिल्लो पोस्ट रवि लामिछानेलाई कोरोना संक्रमण