विश्वभर हालसम्मकै सर्वाधिक एकै दिन ५ लाख संक्रमित थपिए, मृत्युसंख्या पनि बढ्दै

सेयर गर्नुहोस्
265Shares

कार्तिक १३, ई–साझाकुरा

विश्वभर कोरोना भाइरस संक्रमणमा कमी आउनुको सट्टा झन तीव्र रुपले बढ्दै गएको छ । बुधबार एकै दिनमा विश्वभर हालसम्मकै सर्वाधिक ५ लाखभन्दा बढी संक्रमित थपिएका छन् ।

वर्ल्डोमिटर्सका अनुसार बुधबार विश्वभर ५ लाख २ हजार ९८५ जनामा संक्रमण पुष्टि भएका छ । यो हालसम्म एकै दिन पुष्टि हुने सर्वाधिक संक्रमित संख्या हो । यसअघि अक्टोबर २३ का दिन पनि उच्च संख्यामा ४ लाख ९२ हजार ६८३ जनामा संक्रमण पुष्टि भएको थियो । साथै विश्वभर पछिल्लाे २४ घण्टामा ७ हजार ९५ जनाकाे संक्रमणकै कारण मृत्यु भएकाे छ ।

पछिल्लो समय संयुक्त राज्यमा अमेरिकामा संक्रमण र मृत्युदर झन बढ्दै गएको छ भने भने भारतमा घटिरहेको छ । अमेरिकामा बुधबार ८० हजार नयाँ संक्रमित थपिएका छन् भने १ हजार ३० संक्रमितले ज्यान गुमाएका छन् । यससँगै त्यहाँ कुल संक्रमित संख्या ९१ लाख १९ हजार नाघेको छ, मृतक संख्या पनि २ लाख ३३ हजार नाघेको छ ।

उता भारतमा भने तुलनात्मक रुपमा संक्रमण कम देखिएको छ । त्यहाँ बुधबार ४९ हजार ९१२ जनामा संक्रमण पुष्टि भएको छ भने ५०९ जनाको ज्यान गएको छ । यससँगै भारतमा कुल संक्रमित संख्या ८० लाख ३८ हजार नाघेको छ भने कुल मृतक संख्या १ लाख २० हजार नाघेको छ ।

पछिल्लो समय युरोपेली मुलुक फ्रान्समा संक्रमण तीव्र गतिमा बढ्दै छ । त्यहाँ बुधबार एकै दिन ३६ हजार ४३७ जनामा संक्रमण पुष्टि भएको छ भने २४४ जनाले ज्यान गुमाएका छन् । उता ब्राजिलमा पनि बुधबार २८ हजार ८५२ जना संक्रमित थपिएका छन् भने ४८७ जनाले ज्यान गुमाएका छन् ।

पछिल्लो समय चिसो मौसम लागेसँगै युरोपेली देशहरु इटाली, बेलायत, स्पेन, पोल्यान्ड आदिमा दैनिक संक्रमणका केसहरु पनि उकालो लाग्दै गएका छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट अमेरिकी विदेशमन्त्री पोम्पेओ भारत हुँदै श्रीलंका
अगिल्लो पोस्ट सल्यान : जिल्ला प्रशासन कार्यालय सेवा एक हप्तासम्म स्थगित