२० बर्षदेखि बन्द पुरानो घरमा अस्थिपन्जर फेला

सेयर गर्नुहोस्
107Shares

कार्तिक १२,ई–साझाकुरा

कपिलवस्तु जिल्लाको कृष्णनगरमा २० बर्ष देखि बन्द रहेको पुरानो घरमा अस्थिपन्जर फेला परेको छ । मंगलवार बेलुकी ५:३०  बजे कृष्णनगर नगरपालिका–२ गुरुद्वारा स्थित नन्दलाल अग्रवालको भत्केको जीर्ण भवनमा अज्ञात मानिसको अस्थिपन्जर फेला परेको छ ।

लगभग २० बर्ष पहिलेदेखि बस्न छाडेको नन्दलाल अग्रवालको छिमेकिको घर मर्मत गरि रहेको घरका कामदारले नन्दलाल अग्रवालको घरमा अस्थिपन्जर देखेपछि प्रहरीलाई खबर गरेका हुन । कृष्णनगर प्रहरीले खबर पाउने वितिकै घटना स्थलमा पुगि अस्थिपन्जरलाई आफ्नो नियन्त्रणमा लिएको थियो ।

अस्थिपन्जरबारे थप अनुसन्धानका लागि फोरेन्सिक टेस्ट गराउन टिचिङ्ग अस्पताल काठमाडौं पठाइएको इप्रका कृष्णनगर प्रहरी निरिक्षक सुखदेव पौडेलले जनाएका छन । अस्तिपन्जर फेला परेपछि कृष्णनगरका स्थानीय जनता तथा व्यापारीहरुमा त्रास सृजना भएको उद्योग वाणिज्य संघ कृष्णनगरका पुर्व अध्यक्ष गुरुशरण सिंहले बताए ।

कृष्णनगर बजार भारतीय सिमासंग जोडिएको जिल्लाकै मुख्य नाका रहेकोले संदिग्ध घटनाहरुबाट व्यापारीमा त्रास फैलाउँदै आएको पूर्व अध्यक्ष सिंहले बताए ।

 

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट जुवाको खालमा प्रहरीको छापा, बनगाईबाट १२ जुवाडे पक्राऊ
अगिल्लो पोस्ट १९५४ मा कोरोना संक्रमण पुष्टि