भारत कोरोना अपटेड : ९८ दिनपछि ४० हजार भन्दा कम नयाँ संक्रमित, निको हुने दर ९० प्रतिशत

सेयर गर्नुहोस्
23Shares

कार्तिक ११, ई–साझाकुरा

छिमेकी देश भारतमा कोरोनाभाइरस संक्रमितको संख्या ७९ लाख ४४ हजार १२८ पुगेको छ ।  सोमबार एक दिन ३५ हजार ९३२ नयाँ संक्रमित पुष्टि भएको भारतीय स्वास्थ्य तथा परिवार कल्याण मन्त्रालयले जनाएको छ । भारतीय सञ्चारमाध्यम दैनिक भास्करका अनुसार ९८ दिनपछि भारतमा ४० हजार भन्दा कम नयाँ संक्रमित पुष्टि भएको पहिलो पटक हो । यसअघि २१ जुलाइमा ३९ हजार १७० जनामा संक्रमण पुष्टि भएको थियो ।

भारतमा अहिलेसम्म ७१ लाख ९८ हजार ६६० संक्रमित निको भइसकेका छन् । संक्रमण निको हुने मामिलामा भारत विश्वकै सबैभन्दा बढी संक्रमण रहेको ५ देशमा शीर्ष स्थानमा रहेको छ । भारतमा संक्रमणमुक्त हुने दर ९०.१९ प्रतिशत रहेको छ ।
भारतपछि संक्रमणमुक्त हुने दर राम्रो भएको देशमा ब्राजिल दोस्रो स्थानमा रहेको छ । ब्राजिलको संक्रमणमुक्त हुने दर ८९.६५ रहेको छ । यस्तै रुसको ७४.८४ प्रतिशत रहेको छ । सबैभन्दा खराब अवस्थामा फ्रान्स रहेको छ । फ्रान्समा हालसम्म ९.६९ प्रतिशत संक्रमित मात्रै निको भएको समाचारमा जनाइएको छ ।

भारतमा हालसम्म १ लाख १९ हजार ५३४ संक्रमितको मृत्यु भएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट रुपन्देहीमा थप दुईजना कोरोना संक्रमितको मृत्यु
अगिल्लो पोस्ट हिल्सा नाका नखुलेपछि हुम्लीको दशैँ महँगो बन्याे