दशैंको सातौं दिन, आज घरघरमा फूलपाती भित्राइँदै

सेयर गर्नुहोस्
258Shares

कार्तिक ७, ई–साझाकुरा

आज नवरात्रिको सातौं दिन अर्थात् फूलपाती, दशैंको खास दिन आजैबाट शुभारम्भ हुन्छ । फूलपातीको दिनदेखि सरकारी कार्यालयहरु सार्वजनिक विदा हुने भएकाले दशैंको टीका थाप्न आ आफ्नो घर फर्किने क्रम आजैबाट बढेको छ ।

फाईल फोटो

घरघरमा स्थापना गरिएको नवदुर्गा एवं दशैँ घरमा आज अपराह्न विधिपूर्वक फूलपाती भित्राइन्छ । घटस्थापनाका दिनदेखि वैदिक विधिपूर्वक दुर्गालाई आह्वान गरी पूजाआजा गरिएको दशैँ घर अथवा पूजा कोठामा शुभ साइतको प्रतीकका रुपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्राउने गरिन्छ ।

यता नवपत्रिकाको नामले समेत चिनिने फूलपाती नौ देवीको प्रतीकको रुपमा भित्राइ शास्त्रीय विधिअनुसार शक्तिको आराधनाका साथ पूजा गर्ने वैदिक विधि रहेको नेपाल पञ्चांग निर्णायक समितिले जनाएको छ । देवीलाई बलियो बनाउन सहायक देवीको भूमिका हुने शास्त्रीय मान्यता छ । फूलपाती भित्राएपछि नौ वटै देवीको विधिपूर्वक पूजा आराधना गरिन्छ । फूलपाती भित्राउनका लागि साइतको आवश्यकता नपर्ने समिति बताउँछ ।

यसैबीच आजको दिन काठमाडौंको हनुमानढोका दरबारको दशैंघर लगायतका चर्चित शक्तिपिठहरुमा ठूलै जात्राको साथ फूलपाती भित्राउने परम्परा रहेपनि यो बर्ष कुनै कार्यक्रम आयोजना गरिएको छैन् । संसारभर महामारीको रुपमा फैलिएको कोरोना भाइरसका कारण सरकारले शक्तिपिठहरुमा दर्शन गर्न रोक लगाएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट एक दिवसीय र टी(ट्‌वान्टी सिरिजका लागि इङ्ल्यान्ड दक्षिण अफ्रिका जाने
अगिल्लो पोस्ट जिल्ला प्रशासन कार्यालय कपिलवस्तु र स्लाम धर्मगुरु हरूको संयुक्त छलफल सम्पन्न