एक दिवसीय र टी(ट्‌वान्टी सिरिजका लागि इङ्ल्यान्ड दक्षिण अफ्रिका जाने

सेयर गर्नुहोस्
96Shares

कार्तिक ६ एजेन्सी ।
इङ्ल्यान्ड क्रिकेट टालीले एक दिवसीय र टी(ट्‌वान्टी क्रिकेट सिरिजका लागि दक्षिण अफ्रिका टुर गर्ने पक्का भएको छ । दक्षिण अफ्रिकी सरकारले एकदिवसीय तथा टी(ट्‌वान्टी सिरिजका लागि अनुमति दिएपछि सिरिज पक्का भएको हो ।

दक्षिण अफ्रिका भ्रमणका क्रममा इङ्ल्यान्डले समान तीन(तीन टी(ट्‌वान्टी र एकदिवसीय सिरिज खेल्नेछ । दुवै टोलीले सुरुमा टी(ट्‌वान्टी सिरिज खेल्नेछन् । टी(ट्‌वान्टी सिरिज २७ नोभेम्बरबाट सुरु हुनेछ । सिरिजका सबै खेल बिनादर्शक बन्द रंगशालामा हुनेछन् । सिरिज लागि इङ्ल्यान्ड टोली नोभेम्बर १६ मा दक्षिण अफ्रिका पुग्नेछ ।

कोरोना महामारीपछि इङ्ल्यान्डले तीनवटै फर्म्याटको क्रिकेट खेले पनि दक्षिण अफ्रिकाका लागि भने यो पहिलो हो । दक्षिण अफ्रिकाले कोरोना महामारीपछि पहिलोपटक अन्तर्राष्ट्रिय सिरिज खेल्न लागेको हो । यसअघि दक्षिण अफ्रिकाले घरेलु खेलाडीलाई नै तीन समूहमा बाढेर क्रिकेट प्रतियोगिता खेलेको थियो ।

दक्षिण अफ्रिकी सरकारले इङ्ल्यान्डलाई कोरोना संक्रमणको उच्च जोखिम मुलुकका रुपमा राखेका कारण यसअघि यी दुईबीचको क्रिकेट श्रृंखला अन्योलमा थियो । तर, हाल दुवै देश सहमत भएपछि इङ्ल्यान्ड टोली दक्षिण अफ्रिका भ्रमणमा जाने पक्का भएको हो ।

तीन खेलको टी(ट्‌वान्टी सिरिजपछि यी दुई टोलीबीच तीन खेलको एकदिवसीय सिरिज सुरु हुनेछ । एकदिवसीय सिरिजलाई सन् २०२३ मा भारतमा हुने विश्वकपको छनोटको मान्यता दिएको छ । एकदिवसीय सिरिज ४ डिसेम्बरबाट सुरु हुनेछ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट कोरोना प्रेस ब्रिफिङ भोली देखि केही दिन बन्द
अगिल्लो पोस्ट दशैंको सातौं दिन, आज घरघरमा फूलपाती भित्राइँदै