जसपामा कपिलवस्तुका एक दर्जन नेता केन्द्रिय सदस्यमा समावेश

फाइल तस्बिर
फाइल तस्बिर
सेयर गर्नुहोस्
38Shares

कार्तिक ५ कपिलवस्तु
काठमाडौंमा जारी जनता समाजवादी पार्टीको बैठकले कपिलवस्तु जिल्लाबाट जसपाका दर्जन बढी नेताहरुलाई केन्द्रीय राजनितिमा समासेव गरेको छ ।
सोमबारबाट काठमाडौंमा सुरु भएको बैठकले केन्द्रीय समिति संघीय परिषद्प्रति उत्तरदायी हुनेछ भन्ने विधान पनि पारित गरेको पार्टीका युवा नेता विश्वदीप पाण्डेले जानकारी दिनु भयो । मंगलबार सकिएको केन्द्रीय कार्यकारिणी समितिको बैठकले बाँकी निर्णयका लागि ५ जना शीर्ष नेतालाई अधिकार दिएको पाण्डेले बताउनुभयो ।
यता कपिलवस्तुबाट जसपाको केन्द्रिय समितिमा ठूलो संख्यामा नेताहरु परेका छन् । जस अनुसार अमृता अग्रहरी ,अकवाल अहमद शाह,दान बहादुर चौधरी , नारायण खनाल, विष्णुहरी शर्मा, सहसराम यादव पहिले देखि नै रहदै आउनु भएकोमा यसपाली पनि केन्द्रिय सदस्यको भूमिकामा पार्टीले चयन गरेको छ । त्यस्तै नयाँ थपिने अनुहारमा रविन्द्र कुमार मिश्रा ,रविदत्त मिश्रा , मंगल प्रसाद गुप्ता ,सन्तराम अग्रहरी ,कालिपद शर्मा, र रामबरण यादव रहनुभएको छ ।
यस अघि नै केन्द्रिय सदस्यको रुपमा रहेका ६ जना र हाल थपिएका ६ जना गरी कपिलवस्तुबाट १२ जना केन्द्रिय समितिमा पर्नुभएको जनता समाजवादी पार्टी नेपाल कपिलवस्तुले जनाएको छ ।
तत्कालिन समाजवादी पार्टी नेपाल र जनता समाजवादी पार्टी नेपाल विच पार्टी एकता भएपछि अहिले केन्द्रिय सदस्यको टुङ्गो लागेको हो । तत्कालिन दुई पार्टीका नेताहरुलाई समावेश गर्दै जसपाले पार्टीको केन्द्रीय समितिको आकार ७ सय ७९ सदस्यीय बनाउने तय गरेको जनाएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट आइपिएल : आज कोलकत्ता र बैंगलोर भिड्दै
अगिल्लो पोस्ट नेपाल प्रवेश गरेका भारतीयलाई गोली हानी हतियारसहित नियन्त्रणमा