बाबुराम भट्टराईलाई जसपा सङ्घीय परिषद् अध्यक्षको जिम्मेवारी

फाईल फोटो
फाईल फोटो
सेयर गर्नुहोस्
114Shares

कात्तिक ४, काठमाण्डौ
जनता समाजवादी पार्टीको सङ्घीय परिषद् अध्यक्षको जिम्मेवारी डाक्टर बाबुराम भट्टराईले पाउनुभएको छ ।

जसपा केन्द्रीय कार्यकारिणी समितिको बैठकले सङ्घीय परिषद् अध्यक्षको जिम्मेवारी पूर्वप्रधानमन्त्री समेत रहनुभएका डाक्टर भट्टराईलाई दिने निर्णय गरेको हो । केन्द्रीय समितिको अध्यक्षमा भने महन्थ ठाकुर र उपेन्द्र यादव रहने जसपाले जनाएको छ ।

यस्तै बैठकले डाक्टर भट्टराईले नेतृत्व गर्ने सङ्घीय परिषदप्रति केन्द्रीय समिति उत्तरदायी हुनुपर्ने विधान पनि पारित गरेको छ ।

बैठकले सङ्घीय सांसद रेशम चौधरी रिहाइ अभियान सञ्चालन गर्ने निर्णय गरेको छ भने बाँकी निर्णयका लागि पाँच जना शीर्ष नेतालाई अधिकार दिइएको जसपाका नेता विश्वदीप पाण्डेले जानकारी दिनुभयो ।
पाँच शीर्ष नेतामा डाक्टर बाबुराम भट्टराई, महन्थ ठाकुर, उपेन्द्र यादव, अशोक राई र राजेन्द्र महतो रहनुभएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट गुनासोरहित कार्यालय बनाउने अभियानमा रुकुम पुर्व
अगिल्लो पोस्ट प्रहरीको हत्या गर्ने ७ जना सार्वजनिक