स्कारपियो दुर्घटना, पाँचको मृत्यु

सेयर गर्नुहोस्
141Shares

उदयपुर, कार्तिक २

उदयपुर भदौरेमा गए राति स्कारपियो दुर्घटना हुँदा पाँच जनाको घटनास्थलमै मृत्यु भएको छ।

गए राति १ बजे कटारी नगरपालिका वडा नम्बर १४ स्थित सिद्धिचरण राजमार्गबाट करिब ९ सय मिटर तल स्कारपियो खस्दा पाँच जनाको मृत्यु भएको हो। बा २० च ७१७१ नम्बरको स्कारपियो दुर्घटनामा चालकसहित तीन जना घाइते छन्। उनीहरू भारतबाट ओखलढुंगा आउँदै गर्दा दुर्घटनामा परेका हुन्।

घटनास्थलमा प्रहरी पुगेको र घाइतेको कटारी अस्पतालमा उपचार भइरहेको छ ।  घाइते चालकका अनुसार ब्रेक फेल भएर स्कारिपयो दुर्घटना भएको प्रहरीले बताएको छ।

मृत्यु भएकामध्ये २ जनाको पहिचान खुलेको छ। ओखलढुंगा मानेभञ्याङ ९  माधवपुरका ४५ वर्षका रामबहादुर सार्की र सोही ठाउँका २६ वर्षका कर्ण साकीको पहिचान खुलेको छ। मृत्यु भएका अन्य तीन जना करिब ३० वर्षकी महिला, ३० वर्षका पुरूष, ५० वर्षका पुरूषको भने नाम खुल्न बाँकी छ।

चालक रूपन्देहीका २८ वर्षीय पवन खड्का हुन्। उनको कटारी अस्पतालमा उपचार भइरहेको छ । यस्तै ओखलढुंगाकी १८ वर्षीया कल्पना सार्की घाइते छिन्। उनको कटारी अस्पतालमा उपचार भइरहेको छ। उनको टाउकोमा चोट छ। अर्की घाइते कुमारीमाया सार्कीको पनि उपचार जारी छ। उनको दाहिने खुट्टामा चोट छ। उनको अवस्था सामान्य छ।

उनीहरू दसैं मनाउन घर फर्कंदै गरेको देखिन्छ। भारतबाट चालकसहित सात जना आएको र कटारीबाट उक्त स्कारपियोमा एक जना चढेको देखिन्छ। उनीहरू एकै ठाउँका दुई परिवारका हुन सक्ने उनले बताए।

घटनाबारे उदयपुरका एसपी भीमबहादुर दाहालले जानकारी दिएका छन् ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट गुल्मीको सिमीचौरमा ८ क्वीन्टल गाँजा नष्ट
अगिल्लो पोस्ट पूर्वमन्त्री यादवको ८५ वर्षको उमेरमा निधन