पुरानै रङमा वाणगंगाका सामुदायिक विद्यालय

सेयर गर्नुहोस्
0Shares

कात्तिक १ कपिलवस्तु
देशभरका सबै विद्यालयको भौतिक पूर्वाधार एकै रङको बनाउन शिक्षा विभागले निर्देशन गरे पनि कपिलवस्तुमा भने रङरोगनको कुनै तयारी गरिएको छैन ।
कपिलवस्तुको वाणगंगा नगरपालिका भित्रका केही विद्यालयहरुले विभागको निर्देशन अनुसार रङ लगाएको भए पनि अभियानको रुपमा संचालन नभएको नगरपालिकाका शिक्षा शाखा अधिकृत खिमबहादुर जि.सीले बताए । सामुदायिक र संस्थागत र धार्मिक गरी कुल ७२ वटा विद्यालय रहेको वाणगंगामा हाल बनेका नयाँ भवनहरुमा सरकारले तोकेको रङ लगाइएको भए पनि पुराना संरचनाहरु पुरानै रङमा यथावत छन् । शिक्षा विभागले पुराना भौतिक संरचनाहरुलाई पनि एकै किसिमको रङ लगाउन निर्देशन गरेको छ । केही विद्यालयहरुले आफ्नै लागतमा सुरु गरेको जि.सीले बताएका छन् । प्रधानाध्यापकहरु सँगको नियमित बैठकमा यस विषयमा छलफल भईरहेको भए पनि आवस्यक स्रोतको अभावले काम संचालन हुन नसकेको पनि उनको भनाई छ ।
अहिले वाणगंगा नगरपालिकामा कति विद्यालयमा विभागको निर्देशन अनुसारको रङ लगाइयो त्यसको यकिन तथ्याङ्क नगरपालिकासँग पनि छैन । एकरुपता ल्याउन विद्यालयहरुको रङ एकै किसिमको हुनुपर्ने विभाले जनाएको छ ।
शहरी विकास तथा भवन निर्माण विभागद्वारा जारी सार्वजनिक भवनमा प्रयोग हुने रङसम्बन्धी निर्देशिका–२०६९ अनुसार एकै रङ प्रयोग गर्न विभागले भनेको छ । निर्देशिकाअनुसार भवनको मुख्य प्लास्टरको भाग फिका पहेलो, मुख्य भाग इँट्टा वा ढुङ्गाको गाह्रोमा पारदर्शी रसायन प्रयोग भएको, ठाडो र तेस्रो ब्यान्ड सेतो, छज्जा वा फेसिया खरानी र छाना तेरकोटा वा रातो बनाइएको हुनुपर्ने छ ।
पहेलो रङ्ग उज्यालो र सबैलाई मनपर्ने भएकाले विद्यालयको मुख्य भाग पहेलो र घामपानीबाट जोगाउन मुख्य भागको इँट्टामा पारदर्शी रसायन प्रयोग गर्न भनिएको हो ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट ईमोको लोटरीले फसायो, गरेर ठगी गर्ने गिरोह पक्राउ
अगिल्लो पोस्ट प्रगति टोलविकासमा पौडेल चयन