दसैंमा भक्तजनको लागि देशभरका शक्तिपीठको नखोल्न गृह मन्त्रालयको निर्णय

सेयर गर्नुहोस्
0Shares

ई–साझाकुरा, कार्तिक १

गृह मन्त्रालयले दसैँको बेला देशभरका मन्दिर तथा शक्तिपीठहरु नियमित पूजा गर्न बाहेक भक्तजनको लागि खुल्ला नगर्ने निर्णय गरेको छ ।

मन्त्रालयले मन्दिर तथा शक्तिपीठहरुमा भीडभाड हुँदा कोभिड १९ संक्रमणको जोखिम झनै बढ्ने भएकाले भक्तालुहरुका लागि रोक लगाएको हो । तर, नित्य पूजाआजा भने नियमित रुपमा सूरु गर्न सकिनेछ ।

दसैँको बेला विभिन्न शक्तिपीठहरुमा विशेष पूजाआजा हु्ने धेरै संख्यामा भक्तालु पुग्ने भएकाले मन्त्रालयले त्यस्तो निर्णय लिइएको जनाएको छ । त्यसैले मन्दिरहरुमा हुनसक्ने भिडभाडलाई ध्यान दिँदै सरकारले नियमित पूजाआजा बाहेकका सबै धार्मिक र सांस्कृतिक गतिविधि गर्नमा रोक लगाइएको छ ।

यस अघि बिभिन्न शक्तिपीठका व्यवस्थापकहरुको निर्णयबाट कात्तिक १ गतेदेखि शक्तिपीठहरु खुल्ने बताइएको थियो । दसैंको समयमा विशेष पूजाआजा हुने भएकाले पनि शक्तिपिठहरू खोल्नुपर्ने बाध्यता रहेको मन्दिर व्यवस्थापकहरूले बताएका छन् ।

यस अनुसार काठमाडौं उपत्यकामा रहेका गुहेश्वरी, भद्रकाली, दक्षिणकाली, शोभाभगवती, बंगलामुखी, मैतिदेवी, भाटभटेनी आकाशेदेवी लगायतका शक्तिपिठहरू कात्तिक १ गते देखि खुल्ने बताइएको थियो ।

विभिन्न गुठियारहरूको विशेष पूजा हुने र जात्रा समेत निकाल्नुपर्ने प्रचलन रहेकाले पनि पूजाका लागि खुला गरिनुपर्ने मन्दिर व्यवस्थापकहरुको भनाई रहेको छ ।

तर गृह मन्त्रालयको आजको निर्णय पछि पुनः शक्तिपीठहरु सर्वसाधारणका लागि नखुल्ने तर नित्य पूजाका लागि भने खोल्न सकिने भएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट बडादशैँ सुरू : आज पहिलो दिन घटस्थापना
अगिल्लो पोस्ट कोलकातालाई ८ विकेटले हरायो मुम्बईले