विवादित मुद्दा टुङ्ग्याउन ओली र प्रचण्डबीच छलफल

सेयर गर्नुहोस्
2Shares

ई–साझाकुरा, असोज २८

सत्तारुढ दल नेपाल कम्युनिस्ट पार्टी (नेकपा) भित्रका आन्तरिक समस्या सुल्झ्याउन अध्यक्षद्धय केपी शर्मा ओली र पुष्पकमल दाहाल प्रचण्डबीच लागातार छलफल भइरहेको छ । मन्त्रिपरिषद पुनर्गठन र पार्टी एकताका बाँकी काम सक्ने विषयमा दुई नेताबीच सहमति नहुँदै कर्णाली प्रदेशको विवाद निस्किएपछि केही दिनयता नेताहरु अन्य विषय छाडेर कर्णाली प्रदेशको विवाद मिलाउन लागि परेका थिए ।

मंगलबार दुई नेताबीच कर्णालीको समस्या समाधानका लागि प्रदेश पदाधिकारीहरुलाई असोज २९ गते काठमाडौ झिकाएका दुई नेताले सो समस्या कसरी समाधान गर्ने भन्ने विषयमा बुधबार बिहान पनि छलफल गरेका छन् ।

बुधबार बिहान सवा नौ बजेदेखि ओली र प्रचण्डबीच बालुवाटारमा छलफल भएको प्रचण्डका प्रेस संयोजक विष्णु सापकोटा (जुगल) ले छलफलको विषयबारे आफुलाई धेरै कुरा थाहा नभएपनि पार्टीभित्र देखिएका समस्याका विषयमा कुराकानी भएको हुनसक्ने बताए ।

कर्णालीमा देखिएको समस्या र पार्टी एकता लगायतका विषयमा कुराकानी भएको हुनसक्छ’ सापकोटाको भनाई छ ।

गत भदौ २९ गते सम्पन्न नेकपा स्थायी समिति बैठकले एक महिनाभित्र पार्टी एकताका बाँकी काम सम्पन्न गर्ने निर्णय गरेको थियो । स्थायी समितिको निर्देशनअनुसार यही असोज महिनाभित्र नेकपाको एकताको बाँकी काम सम्पन्न गर्नुपर्ने हुन्छ । तर दुई दिन बाँकी रहँदा समेत एकताका बाँकी काम सम्पन्न गर्न दुई अध्यक्षलाई ठोस कार्ययोजना ल्याउन सकेका छैनन् ।

असोज ६ गतेको सचिवालय बैठकले दुई अध्यक्षलाई १० दिनभित्र कार्ययोजना लयाउन निर्देशन दिएको थियो । आगामी चैतमा महाधिवेशन गर्ने योजनामा रहेको नेकपाले यही कार्तिक दोस्रो साता केन्द्रीय समिति बैठक बोलाएको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट भारतको आन्ध्र प्रदेशमा वर्षाका कारण आएको बाढीमा परेर कम्तीमा सातजनाको ज्यान गयाे
अगिल्लो पोस्ट कोरोना पछि पहिलो पटक लुम्बिनी प्रदेश लोक सेवा आयोगद्धारा स्वास्थ्य र इन्जिनियरिङतर्फ कर्मचारी माग