चेन्नईको तेस्रो जित

सेयर गर्नुहोस्
46Shares

ई–साझाकुरा, असोज २८

आइपिएलमा चेन्नई सुपरकिंग्सले तेस्रो जित हात पारेको छ। चेन्नईले मंगलबार राति भएको खेलमा सनराइजर्स हैदरावादलाई २० रनले पराजित गरेको हो।  पहिले ब्याटिङ गरेको चेन्नईले ६ विकेटको क्षतिमा १६७ रन जोड्यो।

चेन्नईका लागि ओपनिङ गरेका साम कुरानले २१ बलमा ३१ रन जोडे। अर्का ओपनर फाप डु प्लेसिस भने शून्यमा आउट भए। सेन वाट्सनले ४२ रन र अम्बाती रायदुले ४१ रन बटुले। रवीन्द्र जडेजाले १० बलमा नटआउट २५ रन जोडे।

बलिङमा हैदरावादका सन्दीप शर्मा, खलील अहमेद र टी नटराजनले २-२ विकेट लिए।  १६८ रनको लक्ष्य पछ्याएको हैदरावादले २० ओभरमा ८ विकेटको क्षतिमा १४७ रन मात्र जोड्न सक्यो। उसका लागि मध्यक्रमका ब्याट्सम्यान केन विलियमसनले ५७ रन जोडे। अन्य ब्याट्सम्यान चेन्नईका बलरसामू टिक्न सकेनन्।

बलिङमा चेन्नईका कर्ण शर्मा र डिजे ब्राभोले २-२ विकेट लिए । साम कुरान, जडेजा र शार्दुल ठाकुरले १-१ विकेट हात पारे।

जितसँगै अंक तालिकाको छैटौं स्थानमा रहेको चेन्नईले ८ खेलबाट ६ अंक जोडेको छ। हैदरावाद समान खेलबाट समान अंक जोड्दै पाँचौ स्थानमा छ।

आइपिएलमा बुधबार दिल्ली क्यापिटल्स र राजस्थान रोयल्सबीच खेल हुनेछ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट सप्तरीमा प्रहरी र तस्कर समूहबीच झडप, दुई प्रहरी घाइते
अगिल्लो पोस्ट भारतको आन्ध्र प्रदेशमा वर्षाका कारण आएको बाढीमा परेर कम्तीमा सातजनाको ज्यान गयाे