बुटवलमा थप २ कोरोना संक्रमितको मृत्यु

सेयर गर्नुहोस्
0Shares

असोज २१बुटवल
बुटवलको कोरोना विशेष आइसोलेसनमा दुई जनाको मृत्यु भएको छ।
लुम्बिनी प्रादेशिक अस्पतालका कोरोना फोकल पर्सन डाक्टर सुदर्शन थापाका अनुसार दुबै जनालाई कोरोना संक्रमण पुष्टि भएपछि अस्पताल भर्ना गरिएको थियो।
नवलपरासीको सुनवल नगरपालिका ५ का ७६ बर्षीय पुरुष र बुटवल उपमहानगरपालिका ९ का ५५ बर्षीया महिलाको मृत्यु भएको हो।
नवलपरासीका पुरुषको असोज १६ गते पिसिआर परिक्षण गर्दा कोरोना पोजेटिभ देखिएपछि त्यही दिन बुटवल कोरोना विशेष अस्थायी अस्पतालमा भर्ना भएका थिए।
उनलाई दम र उच्च रक्तचापको समेत समस्या रहेको थियो। उनको गए राती पौने १ बजे मृत्यु भएको थापाले बताए।
त्यस्तै बुटवल ९ की ५५ बर्षीया महिला असोज १७ गते अस्पताल भर्ना भएकी थिइन्। पिसिआर परिक्षण गर्दा कोरोना पोजेटिभ देखिएपछि उनी सोही दिन अस्पताल भर्ना भएकी थिइन्।
उनको बुधबार बिहान साढे ५ बजे मृत्यु भएको हो। उनमा पनि कोरोना संक्रमण सगै उच्च रक्तचापको समस्या रहेको डाक्टर थापाले जानकारी दिए।योसँगै रुपन्देहीमा कोरोना भाइरसको संक्रमणबाट मृत्यु हुनेको संख्या ३१ पुगेको छ।
अब कोरोना अस्थायी अस्पतालमा ४० जना कोरोना संक्रमित उपचाररत छन्। ती मध्ये १५ जना आइसियुमा र २५ जना आइसोलेसनमा उपचाररत् रहेको थापाले जानकारी दिए।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट विश्वमा कोरोना : मृत्यु हुनेको संख्या १० लाख बढी पुग्यो
अगिल्लो पोस्ट जटिल बन्दै डा.केसीको स्वास्थ्य, ७०–५० मा छ रक्तचाप घटेर