बन्ने भयो कोईली नदीमा पुल, निर्माण कार्य सुरु

सेयर गर्नुहोस्
305Shares

असोज १८ कपिलवस्तु
कपिलवस्तुको वाणगंगा नगरपालिका वडा नम्बर ८ र ९ लाई जोड्ने एक मात्र सडकखण्ड अन्र्तगतको कोईली नदीमा बन्ने पुलको निर्माणकार्य सुरु भएको छ ।
प्रदेश पाँच सरकारको भौतिक पूर्वाधार विकास कार्यक्रम अन्र्तगत निर्माण सुरु भएको सो पुलको लम्बाई ३२ मिटर रहेको छ भने ११ मिटर चौडाई रहने वडा नम्बर ८ का वडा अध्यक्ष गुणानिधि भुषालले जानकारी दिनुभयो । वाणगंगा नगरपालिका र वडा नम्बर ८ को पहलमा पुलको डिपिआर तयार गरी अहिले निर्माण सुरु भएको वडा अध्यक्ष भुषालले बताउनुभयो ।
करिब चार करोडको लागतमा बन्न लागेको सो पुलको ठेक्का सम्झौता चितवनको महेश निर्माण सेवाले पाएको छ । निर्माण सुरु भएको १८ महिनामा पुलको निर्माण सम्पन्न गर्ने सम्झौता सहित हाल सो पुलको निर्माण थालिएको हो । वडा नम्बर ८ का वडा अध्यक्ष गुणानिधि भुषालकै पहलमा डिपिआर तयार भएको सो पुलको निर्माणले वडा नम्बर ८ को कोईलीपार गाउँका करिब २५ परिवारलाई यतायताको सहज पहुँच पुग्ने छ भने सो सडकखण्ड भएर वाणगंगा ९ भलवाड हुदैँ अर्घाखाँचीको सितगंगा नगरपालिका स्थित गोरुसिँगे सन्धिखर्क सडकखण्डमा सोझै सडकमार्ग जोडिने छ ।


यसैबिच कोईली नदीमा हाल निर्माण हुन लागेको मोटरेवल नयाँ प्रविधिको पुल छेउँमै रहेको प्राचिन काठको पुल भने विस्थापित भएको छ । स्थानिय नागरिकहरुले आफ्नो दैनिक यात्रालाई सहज बनाउन काडको कलाकौशलले निर्माण गरेको सो काठेपुल हाल भने विस्थापित भएको छ । सोही स्थानमा नयाँ प्रविधिको पुल बन्ने भएपछि सो काठेपुलको अवास्यकता नरहेको भन्दै हटाइएको छ । सो पुल भएर स्थानिय नागरिकहरुले आफ्ना दैनिक यात्राहरु तय गर्ने गर्दथे भने सो सडक भएर यात्रा गर्नेहरुले पनि सो पुलको उपयोग गर्दै आएका थिए ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट प्रदेश ५ : नाम र राजधानीले देखाएको एक असर (फोटोफिचर)
अगिल्लो पोस्ट जनप्रिय र सरेपानीले गरे विद्यालयलाई स्वास्थ्य सामग्री हस्तान्त्रण