गोठ भत्किँदा पाल्पामा एक जनाको मृत्यु

सेयर गर्नुहोस्
0Shares

असोज १२, पाल्पा ।
गोठ भत्किएर पाल्पामा सोमबार एक जनाको मृत्यु भएको छ। एक जना गम्भीर घाइते भएका छन्। मृत्यु हुनेमा रिब्दीकोट गाउँपालिका ७ पालुङमैनादीस्थित डबकाका ५४ वर्षीय हरिबहादुर लम्तरी रहेका घटनास्थल पुगेका जिल्ला प्रहरी कार्यालय पाल्पाका प्रहरी निरीक्षक सुरज श्रेष्ठले बताए। घटनास्थलमै लम्तरीको मृत्यु भएको इन्स्पेक्टर श्रेष्ठले बताए। सोही गाउँपालिका वडा नम्बर ८ सोमहरका ४८ वर्षीय अमरबहादुर पेग्मी घाइते भएका छन्। छिमेकी पुतली सुनारको गोठमा गारो लगाउने क्रममा एक्कासि भत्किएर उनीहरू दिउँसो करिब २ बजे पुरिएका थिए। पुरानो गोठ मर्मत गर्ने क्रममा भत्किएको हो। घाइतेको युनाइटेड मिसन अस्पताल तानसेनमा उपचार भइरहेको प्रहरी निरीक्षक श्रेष्ठले जानकारी दिए। लम्तरीको शव पोष्टमार्टमका लागि जिल्ला अस्पताल तानसेन ल्याउँदै गरिएको उनले बताए। गोठ भत्किँदा दुई वटा भैंसी र एउटा बाख्रासमेत मरेका छन्। केही मानिस भने भागेर ज्यान बचाउन सफल भएका थिए।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट एसिड आक्रमणसम्बन्धी अध्यादेश जारी भयो
अगिल्लो पोस्ट डा. केसीको समर्थनमा कपिलवस्तुका युवाद्धारा अनशन सुरु ।