चीनसँगको पहिलो अन्तर्देशीय प्रसारण लाइनको फिल्ड भेरिफिकेशनको काम रोकियाे

High-voltage tower
सेयर गर्नुहोस्
173Shares

ई–साझाकुरा, असोज ११

चीनसँगको पहिलो अन्तर्देशीय प्रसारण लाइनको फिल्ड भेरिफिकेशनको काम रोकिएको छ ।६ वर्षभित्र काम सम्पन्न गर्नेगरी दुई वर्ष अघि सुरु भएको प्रसारण लाइनको फिल्ड भेरिफिकेशनको काम कोभिड–१९ का कारण रोकिएको रातमाटे–रसुवागढी–केरुङ ४ सय केभी प्रसारण लाइन आयोजनाले जनाएको छ ।

एनइए इन्जिनियरिङ कम्पनीले भू सूचना प्रणाली (राउटिङ सिष्टम) बाट अध्ययन गरेर आयोजनालाई प्रारम्भिक प्रतिवेदन बुझाएको भएपनि फिल्ड भेरिफिकेशनको काम रोकिएको हो ।

आयोजना प्रमुख कोमलनाथ आत्रेयले दशैं अघि काम सुरु गर्ने योजना रहेको बताउनुभयो । ‘अहिले फिल्डमा जान सकिने अवस्था छैन’, उहाँले भन्नुभयो, ‘फिल्ड भेरिफिकेशनको काम दशैं अगाडि सुरु हुन्छ कि भन्ने आशा छ । कम्पनीले १४ महिनामा काम सक्ने गरी असार १ गतेदेखि काम सुरु गरेको थियो ।

प्रसारण लाइनमा ५ हजार मेगावट विद्युत् प्रवाह हुने आयोजनाले जनाएको छ । नेपालतर्फ ४ सय केभी डबल सर्किट र चीनतर्फ ५ सय केभी डबल सर्किट लाइन हुने छ । चीनको केरुङदेखि नेपालको रातमाटेसम्म निर्माण हुने आयोजनाको फिजिबिलिटी अध्ययन सकिएको छ ।

यो प्रसारण लाइनमा २ सय १४ ओटा टावर रहने छ । नेपाल तर्फ रातमाटेमा सबस्टेशन रहने छ भने चीनतर्फ तिब्बतमा रहेकाे जिलोङ काउण्टीमा सबस्टेसन राखिने छ । रसुवागढी नाकादेखि रातमाटेसम्मको प्रसारणको दूरी ७० किलोमिटर रहेको छ ।

अन्तर्देशीय प्रसारण लाइन ६ वर्षभित्र सक्ने लक्ष्य राखिएको छ । आयोजनाले नेपालतर्फ लोड फ्लो टेष्ट गरिसकेको छ भने चीनतर्फ कोभिड–१९ का कारण हुन सकेको छैन् । दुवैतर्फको लोड फ्लो स्टडी भएपछि संयुक्त रूपमा लोड फ्लो टेष्ट गर्ने आयोजनाले जनाएको छ

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट उपचारका क्रममा बुद्धभूमि नगरपालिका वडा नम्बर १० का अध्यक्षको निधन
अगिल्लो पोस्ट युक्रेनमा सैन्य विमान दुर्घटना हुँदा २२ जनाको मृत्यु