१.मुक्तक
शिर ननिहुराए ठोकिने कटेरामा
बर्खामा पानी तालिने कटेरामा
प्रधानध्यापकको तीन तले घर बनेछ,
शिक्षक भने अझैसम्म चुहिने कटेरामा ।

२.मुक्तक
पापले पोल्छ भन्ने कुरा सम्झिनु होला
इज्जत जोगाइ राखी सम्हालिनु होला
घरबार बिगृन्छ,नानीबाबुको बिचल्ली हुन्छ
अर्काकी बुढीलाई आँखा नलाई दिनु होला ।

३.मुक्तक
स्वास्थ्य क्षेत्रमा लापरबाही गर्ने कहिलेसम्म हो
नदेखे झैं गरि आँखा तर्ने कहिलेसम्म हो
विकट गाउँमा कुनै डाक्टर पुगेनन्
उपचारै नपाएर मर्ने कहिलेसम्म हो ?
–प्रकाश पाठक शिवराज २,कपिलवस्तु
प्रतिकृया दिनुहोस्
साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, Twitter र YouTube मा पनि जोडिन सक्नुहुन्छ ।