आईपीएल२०२० ः बैंगलोरको विजय सुरुवात

सेयर गर्नुहोस्
195Shares

ई–साझाकुरा, असोज ६

आबुधाबी : आईपीएल २०२० सिजनको आआफ्नो पहिलो खेलमा ‘रोयल च्यालेन्जर्स बैंगलोरुले ‘सनराइजर्स हैदराबादुविरुद्ध शानदार जित हासिल गरेको छ ।

टस हारेर ब्याटिङमा उत्रिएको बैंगलोरले निर्धारित २० ओभरमा ५ विकेट गुमाउँदै १ सय ६३ रन बनाएको थियो । यसका लागि देवदत्त पडिकलले सर्वाधिक ४२ बलमा ५६ रन बनाएका थिए । यस्तै एबिडीभिलियसले ३० रनमा ५१ रन बनाए ।

विराट कोहली भने १३ बलमा १४ रन बनाउँदै आउट भएका थिए । बैंगलोरको जितमा यजुवेन्द्र चहलले ४ ओभर खेल्दै १८ रन दिएर महत्वपूर्ण ३ विकेट लिए । यस्तै नवदीप सैनीले ४ ओभरमा २५ रन खर्चेर २ विकेट लिएका थिए ।

१ सय ६४ रनको लक्ष्य लिएर मैदानमा उत्रिएको हैदराबादले २ बल बाँकी छँदा नै सबै विकेट गुमाएको हो । यसका लागि क्याप्टेन डेबिड वार्नरले मात्र ६ बलमा ६ रन बनाउन सकेका थिए ।

हैदरबादका लागि जोनी बरिष्टले सर्वाधिक ४३ बलमा ६१ रन बनाए । त्यस्तै मनिष पाण्डेले ३३ बलमा ३४ रन बनाएका थिए । प्रियम गर्गले १२ रन बनाए भने बाँकी अरु ब्याट्सम्यानले दोहोरो अंक छुन सकेनन् । बैंगलोरले बिहीबार किंग्स ११ पन्जावविरुद्ध खेल्नेछ भने हैदराबादले शनिबार कोलकत्ता नाइट राइडर्ससँग खेल्नेछ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट डाक्टर केसीलाई जुम्लाबाट नेपालगञ्ज पठाइँदै, भोलि काठमाडौं ल्याइने
अगिल्लो पोस्ट गजल