आइपिएलको दोस्रो खेल सुपर ओभरमा दिल्लीद्धारा पंजाब पराजित

सेयर गर्नुहोस्
27Shares

ई–साझाकुरा, असोज ५

दिल्ली क्यापिटल्सले इन्डियन प्रिमियर लिग आइपिएल २०२० को दोस्रो खेलमा किंग्स इलेभेन पन्जाबलाई सुपर ओभरमा पराजित गरेको छ ।
सुपर ओभरमा दिल्लीका लागि कागीसो रबाडाले बलिङ गर्दा लोकेश राहुल र निकोलस पुरण ब्याटिङमा आएका थिए । राहुलले पहिलो बलमा २ रन जोडेपनि दोस्रो बलमा भने क्याचआउट हुन पुगे । त्यसपछि अर्को बलमा नै रबाडाले पुरणलाई बोल्ड गर्दै दिल्लीलाई बलियो स्थितिमा पुर्याए ।


जवाफमा दिल्लीले ऋषभ पन्त र श्रेयस ऐरलाई ब्याटिङमा पठाएको थियो । मोहमद शामीले पहिलो बल बाउन्सरमा डट राखेपनि दोस्रो बल भने वाइड फ्याँके । पन्तले दोस्रो बलमा २ रन जोड्दै दिल्लीलाई विजयी सुरुवात दिलाए ।

त्यसअघि जितका लागि १ सय ५८ रनको लक्ष्य पछ्याएको पञ्जाबले पुरै २० ओभरमा ८ विकेट गुमाउँदै १ सय ५७ रन बनाएपछि खेल सुपर ओभरमा पुगेको थियो । पञ्जाबलाई अन्तिम ६ बलमा १३ रन आवश्यक परेको थियो । मंयक अग्रवालले मार्कस स्टोइनिसलाई पहिलो बलमै छक्का प्रहार गर्दै सहज जितको आशा देखाए ।
अन्तिम तीन बलमा पञ्जाबलाई एक रन मात्र चाहिएको थियो । तर स्टोइनिसले चौथो बल डट गराउँदा पाँचौ बलमा अग्रवाललाई शिम्रन हेटमायरबाट क्याच आउट गराए । स्टोइनिसको अन्तिम फुलटस बलमा क्रिस जोर्डन कागिसो रबाडाबाट क्याच आउट भएपछि खेल बराबरी हुँदै सुपर ओभरमा पुगेको थियो ।

ओपनर मंयक अग्रवालले उत्कृष्ट ब्याटिङ गर्दै ६० बलमा ७ चौका र ४ छक्का सहित ८९ रनमा क्याच आउट भए । १९ औं ओभरको पाँचौ बलमा श्रेयस ऐरले मंयक अग्रावालको क्याच बाउन्ड्री नजिकै छोडेका थिए ।

पाँचौ ओभरको तेस्रो बलमा मोहित शर्माले ओपनर तथा कप्तान लोकेश राहुललाई १९ बलमा २ चौका र १ छक्का सहित २१ रनमा बोल्ड आउट गरे । छैटौं ओभरको पहिलो बलमा रविचन्द्रन आश्विनले करुण नायरलाई १ रनमा पृथ्वी शाबाट क्याच आउट गराए । पाँचौं बलमा आश्विनले निकोलस पुरनलाई शून्यमा बोल्ड आउट गर्दै ३४–३ को अवस्थामा पुर्याए ।

सातौं ओभरको तेस्रो बलमा कागिसो रबाडाको बलमा ग्लेन म्याक्सवेल कप्तान श्रेयस ऐरबाट एक रनमा आउट भएपछि पञ्जाब संकटमा परेको थियो । दशौं ओभरको अन्तिम बलमा शरफराज खान १२ बलमा २ चौका सहित १२ रनमा क्याच आउट भए ।

१६ औं ओभरको तेस्रो बलमा कृष्णाप्पा गौथमलाई कागिसो रबाडाले विकेटपिकर ऋषभ पन्तबाट २० रनमा क्याच आउट गराए । उनले १४ बलमा १ चौका र छक्का प्रहार गरे । क्रिस जोर्डनले रनको योगदान दिए ।

रविचन्द्रन आश्विनले १ ओभरमा २ रन खर्चेर २ विकेट लिए । कागिसो रबाडाले ४ ओभरमा २८ रन खर्चेर २ विकेट लिए । मार्कस स्टोइनिसले ४ ओभरमा २९ रन खर्चेर २ विकेट लिए । अक्षर पटेल र मोहित शर्माले एक एक विकेट लिए ।

त्यसअघि दुबईमा टस हारेर ब्याटिङको निम्तो पाएको दिल्लीले निधारित २० ओभरमा ८ विकेटको क्षतिमा १ सय ५७ रन बनाएको थियो । तल्लोक्रममा उत्कृष्ट ब्याटिङ गर्दै मार्कस स्टोइनिसले २१ बलमा ७ चौका र ३ छक्का सहित सर्वाधिक ५३ रनको योगदान दिए । १९ ओभरमा १२७–७ को अवस्थामा रहेको दिल्लीलाई स्टोइनिसले विश्फोटक ब्याटिङ गर्दै प्रतिस्पर्धात्मक योगफलमा पुर्याएका थिए ।

क्रिस जोर्डनले अन्तिम ओभरमा ३० रन खर्चेका थिए । स्टोइनिसले अन्तिम ओभरमा क्रिस जोर्डनलाई पहिलो बलमा छक्का, दोस्रो, तेस्रो र चौथो बलमा लगातार चौका प्रहार गरे । पाँचौ बलमा छक्का प्रहार गर्दै स्टोइनिसले २० बलमा अर्ध शतक पूरा गरेका थिए ।

दिल्लीको सुरुवात खराब रह्यो । दोस्रो ओभरको चौथो बलमा पृथ्वी शासँग तालमेल नमिल्दा शिखर धवन शून्यमा रन आउट हुन पुगे । मोहम्मद शामीको चौथो ओभरको तेस्रो बलमा ठूलो सट खेल्ने धुनमा शा क्रिस जोर्डनबाट ५ रनमा क्याच भए । शामीले यसै ओभरको अन्तिम बलमा हेटमायरलाई मंयक अग्रवालबाट ७ रनमा क्याच गराउँदै दिल्लीलाई १३–३ को कमजोर अवस्थामा पुर्याए ।

चौथो विकेटका लागि कप्तान श्रेयस ऐर र ऋषभ पन्तले ७३ रनको साझेदारी गर्दै संकटमा रहेको दिल्लीको इनिङ सम्हालेका थिए । तर १४ औं ओभरको अन्तिम बलमा डेब्यु खेल खेलेका युवा स्पिनर रबि बिश्रोईले ऋषभ पन्तलाई ३१ रनमा बोल्ड आउट गरे । पन्तले २९ बलमा ४ चौका प्रहार गरे ।

लगत्तै १५ औं ओभरको पहिलो बलमा मोहम्मद शामीले जोर्डनबाट ऐरलाई ३९ रनमा क्याच आउट गराउदै पञ्जाबलाई खेलमा हाबी गराए । ऐरले ३२ बलमा ३ छक्का प्रहार गरे । १७ औं ओभरको पहिलो बलमा शेल्डन कटरेलले अक्षर पटेललाई ६ रनमा कप्तान राहुलबाट क्याच गराउदै ९६–६ को कमजोर अवस्थामा पुर्याए ।

पञ्जाबका मोहम्मद शामीले उत्कृष्ट प्रर्दशन गर्दै ४ ओभरमा १५ रन खर्चेर ३ विकेट लिए । रबि बिश्रोईले ४ ओभरमा २२ रन खर्चेर १ विकेट लिए । शेल्डन कटरेलले ४ ओभरमा २४ रन खर्चेर २ विकेट लिए । पञ्जाबले दोस्रो खेल सेप्टेम्बर २४ मा रोयल च्यालेन्जर्स बेंगलोरसँग खेल्ने छ । दिल्लीले सेप्टेम्बर २५ मा चेन्नई सुपर किंग्ससँग खेल्ने छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।

पछील्लो पोस्ट अवको पाँच दिन मेघ गर्जन र चट्याङसहितको भारी वर्षा हुने पूर्वानुमान
अगिल्लो पोस्ट वर्ष २०७६ को मदन पुरस्कार बानियाँको ‘महारानी’लाई