कपिलवस्तुको भलवाडका तीन टोल एकसाता देखि अन्धकारमा ।। प्राधिकरणले भने फोन पनि उठाउँदैन

file photo
file photo
सेयर गर्नुहोस्
715Shares

असोज १ भलवाड

कपिलवस्तुको बाणगंगा नगरपालिका वडा नं.०९ का तीन वटा टोलका नागरिक पछिल्लो एक हप्तादेखि अन्धकारमा छन । वडा नम्बर ९ स्थित पडरिया टोल पश्चिम जिनुवा टोल र भर्तापुर टोलको केही भागमा विगत एकसाता देखि विद्युत अवरुध भएको छ तर आवस्यक मर्मतका लागि कुनै पहल भने भएको छैन । जसका कारण नागरिकहरु अन्धकारमा बसिरहेका छन् । तीन वटा टोलका करिब ५ सय घरधुरीहरु विद्युत सेवाबाट वञ्चित भइ अन्धकारमा बस्न बाध्य भएका हुन । पडरियामा रहेको ५० केभी क्षमताको ट्रान्सफर्मर बिग्रिएपछि त्यसको सहि समयमा मर्मत नहुँदा अहिले नागरिक अन्धकारमा बस्न बाध्य भएका हुन ।

अहिले सो क्षेत्रका नागरिकहरुको रातको उज्यालो खोसिएको मात्र हाईन दैनिक कुटानि पिसानी, सूचना,संचार समेत विच्छेद भएको छ । तर यस विषयमा आफुहरु निरन्तर पहलका लागि लागिरहेको नेपाल विद्युत प्राधिकरण जितपुर शाखाले दावी गरेको छ । प्राधिकरण जितपुर शाखा प्रमुख कृष्ण पौडेलले आफ्नो अधिकार क्षेत्रभित्रको काम सम्पादान गरिसकिएको भन्दै अब जिल्ला शाखाले यस विषयमा काम गर्ने बताउनुभयो । आफुले छ दिन पहिले नै स्थालगत अनुगमन गरि समस्याका बारेमा जिल्लामा जानकारी गराएको बताउनुभएको छ । उहाँका अनुसार जलेको ट्रान्सफर्मरको मर्मतका लागि हेटौडामा पु¥याउनुपर्ने भएका कारण साधन अभाव छ । त्यस्तै नयाँ ट्रान्सफर्मरको पनि अभाव भएकाले समस्या समाधान गर्न नसकिएको हो । आफ्नो पनि सिमित अधिकार मात्र भएकाले त्यसको लागि पहल मात्र गर्न सक्ने शाखा प्रमुख पौडेलले बताउनुभयो ।

उता नेपाल विद्याुत प्राधिकरणमा स्थानि नागरिक देखि वडाका जनप्रतिनिधिहरुले सम्म सम्पर्कका लागि कोशिस गरे पनि कुनैपनि तहका कर्मचारीले फोन नउठाएको स्थानियले गुनासो गरेका छन् । विद्युत प्राधिकरणका प्रमुख जयकुमार यादव, ईन्जिनियर विशाल लामिछाने लगाएत विद्युत प्राधिकरणका कुनैपनि सम्पर्क नम्मबरबाट कुनै जवाफ नआएको हो । त्यस्तै स्थानिय नागरिकहरु तथा सामाजिक अगुवाहरुले सांसद सम्मलाई समस्याका बारेमा जानकारी गराए पनि हप्तादिन बढि हुदा पनि गाउँ अन्धकार छ । नागरिकहरुको दैनिक समस्यग्रस्त बनेको छ ।

प्रतिकृया दिनुहोस्

साझाकुरा मिडिया ग्रुप प्रा.लि द्धारा संचालित www.esajhakura.com का लागि तपाईको केही प्रतिक्रिया भए माथिको Comment Box मा आफ्नो अमुल्य प्रतिक्रिया दिनुहोला । हामीसँग तपाईं Facebook, TwitterYouTube मा पनि जोडिन सक्नुहुन्छ ।